logo
Updated : 09/12/2021 04:37 IST

అన్నదాత బయట.. వ్యాపారి లోపల!

రైతు బజార్లలో దళారులదే హవా

ఈనాడు, హైదరాబాద్‌: నగరంలోని రైతుబజార్లలో వ్యాపారులదే హవా కొనసాగుతోంది. శాశ్వత దుకాణాలను ఏర్పాటు చేసుకొని దర్జాగా వ్యాపారాలు చేసుకుంటుంటే.. రైతులు మాత్రం ఎక్కడ స్థలం దొరికితే అక్కడ లేదంటే.. రైతు బజారుకు చేరువలో, బయట అమ్ముకొని వెళ్తున్నారు. అమ్ముకునేందుకు సరైన వసతి లేకపోవడంతో తెచ్చిన కూరగాయలను కొద్దిసేపు అమ్మి.. మిగిలిన వాటిని అక్కడి దుకాణదారులకు ఇచ్చేసి.. ఎంతిస్తే అంత తీసుకుని వెనుదిరుగుతున్నారు.

వేచి చూసి.. తర్వాత ధర పెంచేసి..
రైతులున్నంత వరకూ వారితో పోటీగా కూరగాయలు అమ్మి.. వాళ్లు వెళ్లాక ధరలు పెంచేస్తున్నారు అక్కడి శాశ్వత దుకాణదారులు. ఇక అక్కడి నుంచి మొదలౌతుంది వ్యాపారుల అరాచకం. బోర్డు మీద ఉన్న ధరలు నాణ్యమైన కూరగాయల ధరలే అయినప్పటికీ.. వ్యాపారి దగ్గర ఉన్న కూరగాయలు కాస్త బాగుంటే.. ఆ ధరలు మాకు కుదరదంటూ బెట్టు చేస్తారు. ఇదే సమయంలో నాసిరకం కూరగాయలు కూడా బోర్డు ధరను చూపించి అమ్మేస్తారు. ఈ విషయాలన్నీ ఎస్టేట్‌ అధికారి దృష్టికి రాకుండా.. అక్కడ రైతుబజారు సూపర్‌వైజర్లు జాగ్రత్త పడతారు. ఒక వేళ రైతుబజారు ఎస్టేట్‌ అధికారి దృష్టికి వచ్చినా.. సూపర్‌వైజర్‌ సర్ది చెప్పేస్తారు.  

నిఘా కరవు..
రైతు బజార్ల నిర్వహణను వ్యవసాయ మార్కెటింగ్‌ సిబ్బంది పట్టించుకోవడం లేదు. దళారులవి, వ్యాపారులవి శాశ్వత దుకాణాలుండగా.. రైతులు ఎప్పుడు వస్తారు? ఎక్కడ అమ్ముతున్నారు? ఎంతకి అమ్ముతున్నారు? అనే విషయాలపై నిఘా లేకుండా పోయింది. రైతుల దగ్గరికి వెళ్లి వ్యాపారులు సరకు కొనేసి.. ఇక మీరు వెళ్లండి అంటూ ఎంతో కొంత చేతిలో పెట్టినా ఎవరు పట్టించుకోవడం లేదు. రైతులకు 70 శాతం దుకాణాలుండాలి. కానీ ఏ రైతు బజారులోనూ అలాంటి పరిస్థితి లేదు. అయినా ఎస్టేట్‌ అధికారులు పట్టించుకోవడం లేదు. ఇప్పటికైనా రైతు బజార్లలో 70 శాతం మంది రైతులుండేలా చర్యలు తీసుకోవాల్సి ఉంది.

Read latest Hyderabad News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని