విద్యుదాఘాతంతో మహిళా కూలీ దుర్మరణం

తాండూరు టౌన్‌: విద్యుదాఘాతంతో మహిళా కూలీ దుర్మరణం పాలైన సంఘటన శుక్రవారం జరిగింది. తాండూరు పట్టణ సీఐ రాజేందర్‌రెడ్డి తెలిపిన ప్రకారం.. పట్టణంలోని సాయిపూరు ప్రాంతానికి చెందిన కుర్వ శారదమ్మ(42) రోజు కూలీ పనులు చేస్తూ జీవనం గడిపేది. ఇందులో భాగంగానే పట్టణంలోని గ్రీన్‌సిటీలో ఇంటి నిర్మాణ పనులకు వెళ్లింది. బండలు కడిగేందుకు విద్యుత్తు మోటారు వేసే క్రమంలో విద్యుదాఘాతంతో అక్కడికక్కడే మృతి చెందింది. తోటి పనివారు జిల్లా ఆస్పత్రికి తరలించినా ప్రయోజనం లేకపోయింది. సమాచారం తెలుసుకున్న పోలీసులు ఆస్పత్రికి వెళ్లి వివరాలు సేకరించారు. బాధితురాలి కూతురు అంబిక ఫిర్యాదు మేరకు కేసు దర్యాప్తు చేస్తున్నట్లు సీఐ తెలిపారు.