వైభవంగా సహస్ర చండీయాగం

ఎమ్మెల్యే కిషన్‌రెడ్డి దంపతుల దీక్షాధారణ

గోమాతను అర్చిస్తున్న ఎమ్మెల్యే కిషన్‌రెడ్డి దంపతులు, కుటుంబ సభ్యులు

ఇబ్రహీంపట్నం,న్యూస్‌టుడే: తెరాస రంగారెడ్డి జిల్లా అధ్యక్షుడు, ఇబ్రహీంపట్నం ఎమ్మెల్యే మంచిరెడ్డి కిషన్‌రెడ్డి తన స్వగ్రామం ఎల్మినేడులోని వ్యవసాయ క్షేత్రంలో 5 రోజులపాటు తలపెట్టిన సహస్ర చండీయాగం గురువారం రుత్వికుల వేదమంత్రోచ్చారణల మధ్య వైభవంగా ప్రారంభమైంది. యాగాచార్యులు వెల్లంకి ప్రసాదశర్మ ఆధ్వర్యంలో నిర్వహిస్తున్న యాగంలో ఎమ్మెల్యే కుటుంబ సభ్యులు దీక్షాధారణ చేశారు. భక్తులు, భజనమండలి సభ్యులు, మహిళలు పెద్ద సంఖ్యలో పాల్గొన్నారు. సాయంత్రం శివపార్వతుల కల్యాణం వైభవంగా జరిగింది. ఎమ్మెల్సీ కసిరెడ్డి నారాయణరెడ్డి, ఏసీపీ ఉమామహేశ్వర్‌రావు, ఆర్డీఓ వెంకటాచారి, ఎంపీపీ కృపేష్, మున్సిపల్‌ ఛైర్‌పర్సన్‌ స్రవంతి, వైస్‌ ఛైర్మన్‌ ఎ.యాదగిరి, వైఎస్‌ ఎంపీపీ ప్రతాప్‌రెడ్డి, సర్పంచుల సంఘం జిల్లా అధ్యక్షుడు బూడిద రాంరెడ్డి, రై.స.స జిల్లా అధ్యక్షుడు వంగేటి లక్ష్మారెడ్డి పాల్గొన్నారు.