మాజీ సీఐ నాగేశ్వరరావు విడుదల

చర్లపల్లి, న్యూస్‌టుడే: మారేడుపల్లి సీఐ నాగేశ్వరరావుపై జులైలో వనస్థలిపురం పోలీసులు కేసు నమోదు చేసి న్యాయస్థానంలో హాజరుపరచడంతో చర్లపల్లి జైలుకు రిమాండ్‌కు తరలించారు. 81 రోజులుగా రిమాండ్‌లో ఉండగా రెండుసార్లు జిల్లా న్యాయస్థానంలో బెయిల్‌ పిటిషన్‌ దాఖలు చేయగా తిరస్కరించారు. బుధవారం మాజీ సీఐ నాగేశ్వరరావుకు హైకోర్టు బెయిల్‌ మంజూరు చేస్తూ ఉత్తర్వులు ఇచ్చింది. రూ.లక్ష పూచీకత్తును గురువారం రంగారెడ్డి జిల్లా న్యాయస్థానంలో కుటుంబసభ్యులు సమర్పించారు.  చర్లపల్లి కేంద్రకారాగార అధికారులకు సాయంత్రం 4.30గంటల సమయంలో బెయిల్‌ పత్రాలను బంధువులు అందజేయడంతో జైలు నుంచి నాగేశ్వరరావును విడుదల చేశారు.