వర్గల్‌ సరస్వతి ఆలయానికి ప్రత్యేక బస్సులు రేపు

రెజిమెంటల్‌బజార్‌, న్యూస్‌టుడే: వసంత పంచమి పర్వదినాన్ని పురస్కరించుకొని సిద్దిపేట జిల్లాలోని వర్గల్‌ కొండపై ఉన్న మహా సరస్వతి ఆలయానికి ప్రత్యేక బస్సులు నడుపనున్నట్లు సికింద్రాబాద్‌ డిప్యూటీ రీజనల్‌ మేనేజర్‌ అపర్ణ కల్యాణి ఓ ప్రకటనలో తెలిపారు. ఈనెల 26న ఉదయం 5.15గంటల నుంచి సాయంత్రం 6.15గంటల వరకు 20 నిమిషాలకొక బస్సు చొప్పున సికింద్రాబాద్‌ రైల్వేస్టేషన్‌ సమీపంలోని గురుద్వారా వద్ద నుంచి నడపనున్నట్లు పేర్కొన్నారు. పెద్దలకు రూ.60, పిల్లలకు రూ.30 ఛార్జీలు ఉంటాయని వివరించారు. వివరాలకు 99595 59547, 98553 14253 నంబర్లలో సంప్రదించాలని సూచించారు.

* ఆర్టీసీ ప్రయాణికుల సమాచారార్థం సికింద్రాబాద్‌ రేతిఫైల్‌ బస్‌స్టేషన్‌లో విచారణకేంద్రం ఏర్పాటుచేసినట్లు ఆర్టీసీ సికింద్రాబాద్‌ డిప్యూటీ రీజనల్‌ మేనేజర్‌ అపర్ణ కల్యాణి తెలిపారు. ప్రయాణికులు 99592 26154 ఫోన్‌ నంబరులో సంప్రదించి సలహాలు, ఫిర్యాదులు చేయవచ్చని సూచించారు.