మహమ్మారిపై అప్రమత్తత అవసరం

మాట్లాడుతున్న  డాక్టర్‌ జీవరాజ్‌

వికారాబాద్‌ కలెక్టరేట్‌, న్యూస్‌టుడే: ప్రమాదకర ఎయిడ్స్‌పై అప్రమత్తత అవసరమని, ఎయిడ్స్‌పై సందేహాలు ఉన్నవారు ఉచిత హెల్ప్‌లైన్‌ నంబరు 1097ను సంప్రదించి నివృత్తి చేసుకోవాలని జిల్లా ఉప వైద్యాధికారి డాక్టర్‌ జీవరాజ్‌ అన్నారు. గురువారం జిల్లా వైద్య ఆరోగ్య శాఖ, ఎయిడ్స్‌ నియంత్రణ సంస్థ సంయుక్త ఆధ్వర్యంలో స్థానిక మహావీర్‌ వైద్య కళాశాలలో వైద్యశాఖ సిబ్బందికి హెచ్‌ఐవీ నియంత్రణపై ఒకరోజు శిక్షణ ఇచ్చారు. ఈ సందర్భంగా ఆయన మాట్లాడుతూ హెల్ప్‌లైన్‌ నంబర్‌ను గ్రామాల్లో ప్రచారం చేయాలని తెలిపారు. ఎయిడ్స్‌ వ్యాధి ఏ విధంగా సోకుతుందో ముమ్మరంగా ప్రచారం చేయాలన్నారు.  హెచ్‌ఐవీ పాజిటివ్‌ అని తెలిస్తే ఏఆర్‌టీ మందులు వాడాలని సూచించారు. ఈ కార్యక్రమంలో ప్రోగ్రాం అధికారి డాక్టర్‌ రవీంద్రయాదవ్‌, అధికారులు, డాక్టర్లు కె.వి.ఎన్‌. మూర్తి, నరేందర్‌, రమేశ్‌, నాగేశ్వరరావు, బాలరాజ్‌, గోవర్ధన్‌, తదితరులు పాల్గొన్నారు.