Khammam: 45 ఏళ్ల భవనాన్ని.. జాకీలతో 4 అడుగుల ఎత్తుకు..!

భవనాన్ని పైకి ఎత్తే క్రమంలో ఏర్పాటు చేసిన జాకీలు

చర్ల, న్యూస్‌టుడే: చర్లలోని 45 ఏళ్ల కిందట నిర్మించిన భవనం రానురాను రహదారికి దిగువగా మారడంతో పాటు ఇంట్లోకి వర్షాకాలం వరదనీరు వస్తూ ఇబ్బంది నెలకొంది. దీంతో భవన జయమాని ఆవుల శివప్రసాద్‌ జాకీలతో భవనాన్ని నాలుగు అడుగుల మేర పైకి లేపే పనులు చేయిస్తున్నారు. ఇలా ఎత్తు లేపేందుకు రూ.10 లక్షల వరకు ఖర్చు అవుతోందని తెలిపారు. పిల్లర్లను కత్తిరించి జాకీల ద్వారా లేపిన అనంతరం పిల్లర్ల మధ్యలో ఐరన్‌తో జాయింట్‌ చేసి కాంక్రీటు చేస్తారని తెలిపారు. ఈ లిఫ్టింగ్‌ విధానాన్ని హైదరాబాద్‌లో చూసి సత్ఫలితాలు వచ్చాయని తెలుసుకున్నాకే తన భవనాన్ని ఎత్తు లేపాలనే నిర్ణయానికి వచ్చినట్లుగా ఆయన వివరించారు.