రాష్ట్ర స్థాయి క్రికెట్ పోటీలు ప్రారంభం

కామేపల్లి: బర్లగూడెం గ్రామంలో రాష్ట్రస్థాయిలో ఆర్ఆర్‌ఆర్‌ మెమోరియల్ క్రికెట్ టోర్నమెంట్, బర్లగూడెం ఎక్సలెంట్ యూత్ ఆధ్వర్యంలో నిర్వహిస్తున్న క్రికెట్ పోటీలను శాసనసభ్యుడు కోరం కనకయ్య ప్రారంభించారు. ఈ సందర్భంగా ఏర్పాటుచేసిన సమావేశంలో ఆయన క్రీడాకారులను, నిర్వాహకులను ఉద్దేశించి మాట్లాడుతూ.. క్రీడల్లో గెలుపు ఓటములు సహజమని, క్రీడలు మానసిక ఉల్లాసంతో పాటు, దృఢత్వం ఏర్పడటానికి, ఆరోగ్యంగా ఉండటానికి దోహదపడుతాయన్నారు. ఈ కార్యక్రమంలో, మండల కాంగ్రెస్ కమిటీ అధ్యక్షుడు గింజల నరసింహారెడ్డి, మాజీ ఎంపీపీ మాలోతు సరిరామ్ నాయక్, ఎంపీటీసీ సభ్యులు, నల్లమోతు లక్ష్మయ్య, నిర్వాహకులు మాలోతు రాజేష్, మాలోత్ ప్రేమ్ కుమార్ తదితరులు పాల్గొన్నారు.