నూతన దంపతులకు తాళి బొట్లు, మెట్టెలు అందజేత

కౌతాళం: కౌతాళం మండలం పొదులకుంట మదిరి గ్రామంలో ప్రతి ఏటా ఉటగునూరు శ్రీ బసవలింగప్ప తాత మఠంలో పంపాపతి తాత అధ్వర్యంలో పేదవారికి ఉచిత వివాహాలు నిర్వహించడం జరుగుతుంది. 14 ఏళ్ల నుంచి ప్రతి సంవత్సరం ఈ మఠంలో జరుగుతున్న వివాహాలు కర్నూలు జిల్లా తెదేపా అధ్యక్షుడు పాలకుర్తి తిక్కారెడ్డి నూతన దంపతులకు ప్రతి సంవత్సరం తాళి బొట్లు, మెట్టెలు విరాళంగా ఇస్తున్నారు. ఈ ఏడాది తాళి బొట్లు, మెట్టెలను మఠం పెద్దలకు తెదేపా రాష్ట్ర కార్యదర్శి పాలకుర్తి శ్రీనివాస్ రెడ్డి అందజేశారు. అనంతరం శ్రీనివాస్ రెడ్డి మాట్లాడుతూ సంప్రదాయ పద్ధతిలో ప్రతి సంవత్సరం పేదలకు సహాయం చేస్తామన్నారు. ఈ కార్యక్రమంలో చావిడి వెంకటేష్, భీమన్న ఆచారి, తెదేపా నియోజకవర్గ అధ్యక్షుడు సల్మాన్ రాజు తదితరులు పాల్గొన్నారు.