సిద్దాపురం ఎత్తిపోతల ద్వార ప్రతి ఎకరాకు సాగు నీరందిస్తాం

పాములపాడు: తెదేపా అధికారంలోకి రాగానే సిద్దాపురం ఎత్తిపోతల కాలువలు పూర్తి చేసి ప్రతి ఎకరాకు సాగు నీరందిస్తామని నంద్యాల పార్లమెంట్ తెదేపా బాధ్యుడు మాండ్ర శివానందరెడ్డి, ఎమ్మెల్యే అభ్యర్థి జయసూర్య అన్నారు. శుక్రవారం మండలంలోని భానుముక్కల గ్రామంలో శాంఖరావం కార్యక్రమం నిర్వహించారు. ఈ సందర్భంగా వారు మాట్లాడుతూ.. వైకాపా ప్రభుత్వం సిద్దాపురం ఎత్తిపోతల కాలువలు పూర్తి చేయకపోవడంతో రైతులు తీవ్రంగా నష్టపొయ్యారన్నారు. ఈ కార్యక్రమంలో నియోజకవర్గం తెదేపా పరిశీలకుడు శ్రీనాధ్ రెడ్డి, మండల కన్వీనర్ రవీంద్రనాథ్రెడ్డి, నాయకులు వెంకటేశ్వరరావు గోవింద హరినాధ్ రెడ్డి తదితరులు పాల్గొన్నారు.