నేడు చంద్రబాబు రాక

కర్నూలు సచివాలయం, న్యూస్‌టుడే: తెదేపా అధినేత, మాజీ ముఖ్యమంత్రి నారా చంద్రబాబు నాయుడు జిల్లాలో పర్యటించనున్నారు. ఆదివారం మధ్యాహ్నం 3.45 గంటలకు మంత్రాలయం నియోజకవర్గం కౌతాళం చేరుకుంటారని కర్నూలు పార్లమెంట్‌ నియోజకవర్గ తెదేపా అధ్యక్షుడు పాలకుర్తి తిక్కారెడ్డి తెలిపారు. సాయంత్రం 4 గంటలకు కౌతాళం బస్టాండ్‌ వద్ద ప్రజాగళం సభలో మాట్లాడతారు. అనంతరం హెలిపాప్టర్‌లో బయలుదేరి 6.10 గంటలకు కోడుమూరు నియోజకవర్గ పరిధిలోని గూడూరుకు చేరుకుంటారు. అక్కడ సాయంత్రం 6.30 రాత్రి 8 గంటల వరకు నిర్వహించే బహిరంగ సభలో మాట్లాడుతారు.