ఆ తండ్రీ కొడుకులు.. మునుగోడు ఎమ్మెల్యేలు

ప్రస్తుతం దేవరకొండ నియోజకవర్గంలో ఉన్న చింతపల్లి మండలం నియోజకవర్గాల పునర్విభజనకు ముందు మునుగోడులో ఉండేది. చింతపల్లి మండలం ఘడియగౌరారం గ్రామానికి చెందిన కమ్యూనిస్టు నాయకుడు దివంగత ఉజ్జిణి నారాయణరావు తెదేపా మిత్రపక్షంతో మునుగోడు బరిలో మూడు పర్యాయాలు విజయం సాధించారు. స్వాతంత్య్ర సమరయోధుడు, రజాకార్లకు వ్యతిరేకంగా ఎదురొడ్డి పోరాడిన ఈయన 1985-99 కాలంలో సీపీఐ తరఫున ఎమ్మెల్యేగా గెలిచారు. తదనంతరం 2009-14 వరకు ఆయన తనయుడు ఉజ్జిణి యాదగిరిరావు కూడా అదే నియోజకవర్గం నుంచి సీపీఐ తరఫున ఎమ్మెల్యేగా ఎన్నికయ్యారు.

దేవరకొండ, న్యూస్‌టుడే