ఇష్టంతో చదివితే కొలువులు

కొడవలూరు: ఇష్టంతో చదివితే కొలువులు సులువుగా వస్తాయని శ్రీ వెంకటేశ్వర ఇంజనీరింగ్ కళాశాల ఛైర్మన్ డాక్టర్ పి.గుణశేఖర్ తెలిపారు. కొడవలూరు మండలంలోని నార్త్ రాజుపాలెంలో కళాశాల ప్రాంగణ ఎంపికలో కొలువులు సాధించిన విద్యార్థులకు జాయినింగ్ పత్రాలను అందించారు. ఈ సందర్భంగా ఆయన మాట్లాడుతూ టీవీఎస్ కంపెనీలో 21 మంది 2.1 లక్షల వార్షిక వేతనంతో ఎంపికయ్యారన్నారు. క్యాపిటల్ వయా ఇండోర్ కంపెనీకి మరో ఎనిమిది మంది 3.5 లక్షల వార్షిక వేతనంతో  ఎంపికయ్యారన్నారు. ఈ కార్యక్రమంలో ప్రిన్సిపల్ వి.అనిల్ కుమార్, ఏవో గిరి, అధ్యాపకులు, విద్యార్థులు పాల్గొన్నారు.