ప్రజాస్వామ్యంలో ఓటే కీలకం

ప్రతిజ్ఞ చేస్తున్న కలెక్టర్‌ జితేశ్‌ వి పాటిల్‌, ప్రిన్సిపల్‌ విజయ్‌కుమార్‌

కామారెడ్డి పట్టణం, న్యూస్‌టుడే: ప్రజాస్వామ్యంలో ఓటే కీలకమని కలెక్టర్‌ జితేశ్‌ వి పాటిల్‌ అన్నారు. జిల్లాకేంద్రంలో ప్రభుత్వ డిగ్రీకళాశాలలో మంగళవారం ఓటరు చైతన్య కార్యక్రమం జరిగింది. ఈ సందర్భంగా ఆయన మాట్లాడారు. ఓటు హక్కు వినియోగంలో యువత తమవంతు పాత్ర పోషించాలన్నారు. ఎలాంటి ప్రలోభాలకు లొంగకుండా నిజాయతీతో ఓటు వేయాలన్నారు. ఇరుగుపొరుగు వారితోనూ ఓటు వేయించాలన్నారు. ఈ సందర్భంగా అధికారులు, సిబ్బందితో ప్రతిజ్ఞ చేయించారు. ఆర్డీవో రఘునాథరావు, స్వీప్‌ అధికారి వెంకటేశ్వర్లు, కళాశాల ప్రిన్సిపల్‌ విజయ్‌కుమార్‌, ఆచార్యులు కిష్టయ్య, చంద్రశేఖర్‌, శంకరయ్య తదితరులున్నారు.