2.6 కిలోల బంగారం స్వాధీనం

ఆభరణాలను పరిశీలిస్తున్న పోలీసులు

విజయనగరం నేరవార్తా విభాగం, న్యూస్‌టుడే: విజయనగరంలోని కన్యకాపరమేశ్వరి కోవెల సమీపంలో ఈనెల 12న అర్ధరాత్రి చేపట్టిన వాహన తనిఖీల్లో భాగంగా ఓ వ్యక్తి నుంచి భారీగా బంగారం, నగదును స్వాధీనం చేసుకున్నామని సీఐ వెంకటరావు తెలిపారు. ఆయన వివరాల ప్రకారం.. విశాఖకు చెందిన ఓ వ్యక్తి విజయనగరంలోని బంగారం దుకాణాలకు  ఆభరణాలు అందించేందుకు వచ్చారు. అయితే ఎలాంటి పత్రాలు లేకపోవడంతో 2.6 కిలోల బంగారం, రూ.17.95 లక్షల నగదును సీజ్‌ చేసినట్లు సీఐ వెల్లడించారు. తదుపరి విచారణ నిమిత్తం జిల్లా అధికారులకు వివరాలు తెలియజేశామన్నారు.