విజయనగరం: ఉత్తరాంధ్రను దోచుకున్న వైకాపా నేతలు కాస్త కూడా అభివృద్ధి చేయలేదని తెదేపా జాతీయ ప్రధాన కార్యదర్శి లోకేశ్‌ ఆగ్రహం వ్యక్తం చేశారు. జాబ్‌ క్యాలెండర్‌ పేరుతో యువతను జగన్‌ మోసం చేశారని ధ్వజమెత్తారు. విజయనగరంలో నిర్వహించిన యువగళం సభలో ఆయన ప్రసంగించారు. జిల్లాలోని వివిధ ప్రాంతాల నుంచి తరలివచ్చిన యువతతో ముఖాముఖి నిర్వహించారు. క్రీడాకారులను ప్రోత్సహిస్తామన్నారు. మెగా డీఎస్సీతో పాటు పోలీసు ఉద్యోగాలు భర్తీ చేస్తామని హామీ ఇచ్చారు. ఆర్మీలో ఉత్తరాంధ్రకు చెందిన వారు ఎక్కువగా ఉంటారని, యువత కోసం ప్రత్యేకంగా ట్రైనింగ్‌ సెంటర్‌ ఏర్పాటు చేస్తామని ప్రకటించారు. కూటమి ప్రభుత్వం రాగానే పోలీస్‌ శాఖలో రిక్రూట్‌మెంట్‌ చేపడతామన్నారు.