మహిళలకు భద్రత కల్పించడంలో దేశానికే ఆదర్శం

మహబూబాబాద్‌లో భరోసా కేంద్రాన్ని ప్రారంభిస్తున్న మంత్రి సత్యవతిరాథోడ్‌,

చిత్రంలో ఎంపీ మాలోతు కవిత, ఎమ్మెల్సీ రవీందర్‌రావు, ఎమ్మెల్యే బానోతు శంకర్‌నాయక్‌

మహబూబాబాద్‌, న్యూస్‌టుడే: ఆపదలో ఉన్న మహిళలను ఆదుకోవడంతో పాటు వారికి భద్రత కల్పించడంలో తెలంగాణ రాష్ట్రం దేశానికే ఆదర్శంగా నిలిచిందని మంత్రి సత్యవతిరాథోడ్‌ అన్నారు. పోలీసు శాఖ ఆధ్వర్యంలో జిల్లా కేంద్రంలో ఏర్పాటు చేసిన ‘భరోసా’ కేంద్రాన్ని శుక్రవారం ఎంపీ మాలోతు కవిత, ఎమ్మెల్సీ రవీందర్‌రావు, ఎమ్మెల్యే బానోతు శంకర్‌నాయక్‌తో కలిసి ప్రారంభించారు. కేంద్రంలో అందించే సేవలను పరిశీలించారు. అనంతరం మాట్లాడుతూ ముఖ్యమంత్రి కేసీఆర్‌ మహిళల రక్షణ కోసం ఇతర రాష్ట్రాల్లో లేని విధంగా అనేక రక్షణ చర్యలు తీసుకుంటున్నారన్నారు. సఖి, షీం టీంల ఏర్పాటు ద్వారా మహిళలకు ధైర్యం వచ్చిందన్నారు. అత్యాచారానికి గురైన బాధితులకు అండగా వారికి న్యాయం జరిగే విధంగా కృషి చేసేందుకు భరోసా కేంద్రాన్ని ఏర్పాటు చేసినట్లు ఆమె తెలిపారు. కలెక్టర్‌ కె.శశాంక, జిల్లా ఎస్పీ శరత్‌చంద్రపవార్‌, ఏఎస్పీ యోగేష్‌గౌతమ్‌, జిల్లా సంక్షేమ శాఖాధికారి స్వర్ణలతలెనీనా, సీడబ్ల్యూసీ అధ్యక్షురాలు డాక్టర్‌ ఎస్‌.నాగవాణి, కేంద్రం నిర్వాహకులున్నారు.