కూటమి విజయమే లక్ష్యం

మెంటేపూడిలో ఇంటింటి ప్రచారం

మెంటేపూడి (వీరవాసరం), న్యూస్‌టుడే: కూటమి అభ్యర్థుల విజయమే లక్ష్యంగా పార్టీ శ్రేణులంతా కష్టపడి పనిచేయాలని జనసేన, భాజపా మండల అధ్యక్షులు జవ్వాది బాలాజీ, కోడి నరసింహారావు అన్నారు. మెంటేపూడిలో మంగళవారం కూటమి అభ్యర్థుల తరఫున విస్తృత ప్రచారం నిర్వహించారు. కార్యక్రమంలో నాయకులు చింతా కనకయ్య, కురెళ్ళ నరసింహారావు, సిరిపురపు నరేష్‌, స్టాలిన్‌ తదితరులు పాల్గొన్నారు.

భీమవరం పట్టణం, న్యూస్‌టుడే: రానున్న ఎన్నికల్లో జనసేన పార్టీ భీమవరం ఎమ్మెల్యే అభ్యర్థి పులపర్తి రామాంజనేయులుకు మంగళవారం ఎల్‌ఐసీ ఎల్‌ఐఏఎఫ్‌ఐ యూనియన్‌ మద్దతిచ్చింది. ఈ మేరకు యూనియన్‌ నాయకులు కొప్పర్తి త్రిమూర్తులు, ఆముదాల సత్యనారాయణ, పాలా శ్రీనివాస్‌, జి.శ్రీనివాస్‌, లక్ష్మీపతిరాజు, రాంబాబు, ఎన్‌.శ్రీనివాసరావు, కె.రామకృష్ణ, అన్నపూర్ణ, కె.మోహనలక్ష్మి, శేషగిరి తదితరులు పాల్గొన్నారు.

భీమవరం అర్బన్‌, న్యూస్‌టుడే: రానున్న ఎన్నికల్లో కూటమి విజయం సాధించి తీరుతుందని తెదేపా జిల్లా అధ్యక్షురాలు తోట సీతారామలక్ష్మి అన్నారు. పార్టీ జిల్లా కార్యాలయంలో మంగళవారం ఆమె సమక్షంలో పలువురు తెదేపాలో చేరారు. వారికి కండువాలు కప్పి పార్టీలోకి ఆహ్వానించారు. జగన్‌ గులకరాయి డ్రామాను నమ్మే స్థితిలో ప్రజలు లేరన్నారు. పార్టీ రాష్ట్ర కార్యదర్శి వేండ్ర శ్రీనివాస్‌, పట్టణాధ్యక్షుడు సుబ్రహ్మణ్యంరాజు, ప్రధాన కార్యదర్శి గూడూరి సుబ్బారావు, మెంటే గోపి పాల్గొన్నారు.