పిల్లలతో వైకాపా ప్రచారం

కడపలో ఎన్నికల ప్రవర్తనా నియమావళి పరిహాసం

ఒకటో డివిజన్‌లో పిల్లలతో ప్రచారం చేయిస్తున్న వైకాపా నాయకులు

కడప నగరంలోని ఒకటో డివిజన్‌లో మంగళవారం వైకాపా నాయకులు పాఠశాల విద్యార్థులతో ప్రచారం నిర్వహించారు. ఎన్నికల ప్రవర్తనా నియమావళి ప్రకారం పిల్లలను ఎన్నికల ప్రచారానికి వినియోగించడం, ర్యాలీల్లో పాల్గొనేలా చేయడం నిషేధం. జిల్లా కేంద్రంలో కడప మేయర్‌ సురేష్‌బాబు, వైకాపా నాయకులు, పిల్లల మెడలో పార్టీ కండువాలు వేసి, టోపీలు పెట్టి జగన్‌ చిత్రపటాలతో ప్రదర్శన నిర్వహించడం గమనార్హం. దీనిపై ఎన్నికల సంఘం అధికారులు ఎలాంటి చర్యలు తీసుకుంటారో వేచి చూడాలి మరి..

న్యూస్‌టుడే, కడప నగరపాలక సంస్థ