రాయంచపై రాములోరి రాజసం

హంస వాహనంపై విహరిస్తున్న  సీతారామలక్ష్మణమూర్తులు

ఒంటిమిట్ట, న్యూస్‌టుడే: ఒంటిమిట్ట కోదండ రామాలయంలో శ్రీరామనవమి వార్షిక బ్రహ్మోత్సవాల్లో రెండోరోజు గురువారం రాత్రి రాయంచపై రాములోరి విహారం కనులపండువగా సాగింది. సీతారామలక్ష్మణ ఉత్సవమూర్తులను పట్టువస్త్రాలు, పుష్పమాలికలు, ఆభరణాలతో సుందరంగా ముస్తాబు చేశారు. ఉప కార్యనిర్వహణాధికారి నటేష్‌బాబు, తితిదే డీఎఫ్‌వో శ్రీనివాసులు ఆధ్వర్యంలో హంస వాహన సేవ ఉత్సవాన్ని ఒంటిమిట్ట పురవీధుల్లో రమణీయంగా నిర్వహించారు. కళాకారుల కోలాట నృత్య ప్రదర్శనలు, తాళభజనలు, డప్పుల వాయిద్యాల నడుమ గ్రామోత్సవం నేత్రపర్వంగా సాగింది. అధిక సంఖË్యలో భక్తులు తరలివచ్చారు.