విజయవాడ: ఏపీలో కూటమి జోష్‌ పట్ల ప్రధాని నరేంద్ర మోదీ సంతృప్తి వ్యక్తం చేశారు. విజయవాడ మున్సిపల్‌ స్టేడియం నుంచి బెంజ్‌ సర్కిల్‌ వరకు బుధవారం రాత్రి నిర్వహించిన రోడ్‌ షో విజయవంతమైందన్నారు. రోడ్‌ షో ముగిసిన తర్వాత మోదీ, తెదేపా అధినేత చంద్రబాబు, జనసేన అధ్యక్షుడు పవన్‌ కల్యాణ్‌ ప్రత్యేకంగా భేటీ అయ్యారు. ఎన్నికల ప్రచారం, తాజా పరిస్థితులపై చర్చించారు. తనకు అందిన నివేదికల మేరకు కూటమిదే అధికారమని మోదీ వారితో చెప్పినట్లు తెలుస్తోంది. ఊహించిన దానికంటే ఎక్కువ సీట్లే వస్తాయని, జగన్‌ ప్రభుత్వంపై ప్రజలు తీవ్ర ఆగ్రహంతో ఉన్నారని ఆయన చెప్పినట్లు విశ్వసనీయ వర్గాలు వెల్లడించాయి. భేటీ అనంతరం గన్నవరం విమానాశ్రయం నుంచి మోదీ దిల్లీ బయల్దేరి వెళ్లారు.