అమరావతి: మరో ముగ్గురు పోలీసు అధికారులపై ఎన్నికల సంఘం బదిలీ వేటు వేసింది. మాచర్ల సీఐ పి.శరత్‌బాబు, కారంపూడి సీఐ చిన్నమల్లయ్య, వెల్దుర్తి ఎస్‌ఐ వంగా శ్రీహరిని బదిలీ చేస్తూ ఈసీ ఆదేశాలు జారీ చేసింది. కిందిస్థాయి అధికారులకు వెంటనే బాధ్యతలు అప్పగించాలని ఉత్తర్వుల్లో పేర్కొంది. బదిలీ చేసిన అధికారులకు ఎన్నికల విధులు అప్పగించొద్దని ఈసీ స్పష్టం చేసింది. తెదేపా నేతల ఫిర్యాదు మేరకు ఈసీ చర్యలు తీసుకున్నట్టు తెలుస్తోంది.

చిత్తూరు జిల్లా పలమనేరు డీఎస్పీ మహేశ్వర్‌రెడ్డి, సదుం ఎస్సై మారుతిపై మంగళవారం ఎన్నికల సంఘం బదిలీవేటు వేసిన విషయం తెలిసిందే. ఇటీవల ఏపీ డీజీపీ రాజేంద్రనాథ్‌రెడ్డితోపాటు అనంతపురం రేంజి డీఐజీ ఆర్‌ఎన్‌ అమ్మిరెడ్డిని కూడా ఈసీ బదిలీ చేసింది. కొత్త డీజీపీగా హరీశ్‌ కుమార్‌ గుప్తా నియమితులయ్యారు.