Prakasam: ఫలించని స్టాప్‌ లాక్‌ ఏర్పాటు ప్రయత్నాలు.. గుండ్లకమ్మ ప్రాజెక్టు నుంచి ఆగని నీటి వృథా

ఒంగోలు: ప్రకాశం జిల్లాలోని గుండ్లకమ్మ ప్రాజెక్టు రెండో గేటు అడుగు భాగంలోని ఎలిమెంట్స్‌ నీటిపాలైన విషయం తెలిసిందే. శుక్రవారం రాత్రి జలాశయానికి సంబంధించిన రెండో గేటులోని అడుగు భాగం కొంత మళ్లీ నీటిలో కొట్టుకుపోయింది. ప్రాజెక్టులోని నీళ్లు వృథాగా సముద్రం పాలవుతున్నాయి. ఈ నేపథ్యంలో నీటి వృథాను అరికట్టేందుకు స్టాప్‌ లాక్‌ ఏర్పాటు చేసేందుకు అధికారులు చేసిన ప్రయత్నాలు ఫలించలేదు. స్టాప్‌ లాక్‌ గేటు ఏర్పాటు చేస్తున్న క్రమంలో హుక్‌ తెగిపోయి నీటిలో పడిపోయింది. దీంతో నీటిని నిలుపుదల చేయడం కష్టంగా మారింది. నీటిలో పడిపోయిన హుక్‌ను బయటకు తీసి, స్టాక్‌ లాక్‌తో వెల్డింగ్ చేసే ప్రక్రియ పూర్తి చేసి మరోసారి స్టాక్‌ లాక్‌ అమర్చేందుకు ప్రయత్నించాల్సి ఉంటుంది. అయితే, ప్రస్తుతం చీకటి పడటం, వెల్డింగ్‌ ప్రక్రియ చేపట్టేందుకు కావాల్సిన సాంకేతిక సిబ్బంది అందుబాటులో లేకపోవడంతో పనులు నిలిచిపోయాయి.