Modi-Macron: మోదీకి ఫ్రాన్స్‌ అధ్యక్షుడు మేక్రాన్‌ ఫోన్‌ కాల్‌..

దిల్లీ: భారత ప్రధాని నరేంద్రమోదీతో ఫ్రాన్స్‌ అధ్యక్షుడు ఇమ్మాన్యుయెల్‌ మేక్రాన్‌ మంగళవారం ఫోన్లో మాట్లాడారు. ఇండో-పసిఫిక్‌ ప్రాంతంలో పరస్పర సహకారంపై వీరిద్దరూ చర్చించినట్లు మేక్రాన్‌ కార్యాలయం వెల్లడించింది. దీంతో పాటు అఫ్గానిస్థాన్‌లో సంక్షోభం, ఇతర అంశాలపై కూడా చర్చలు జరిపినట్లు పేర్కొంది. కాగా.. ఫ్రాన్స్‌తో చేసుకున్న జలాంతర్గాముల కొనుగోలు ఒప్పందాన్ని ఆస్ట్రేలియా రద్దు చేసుకున్న నేపథ్యంలో ఈ ఫోన్‌ కాల్‌ ప్రాధాన్యత సంతరించుకుంది.

ఇండో-పసిఫిక్‌ ప్రాంతంలో తమ ఉమ్మడి ప్రయోజనాలను కాపాడే లక్ష్యంతో అమెరికా, బ్రిటన్‌, ఆస్ట్రేలియా ‘ఆకస్‌’ పేరుతో కొత్త త్రైపాక్షిక కూటమిని ఏర్పాటు చేశాయి. ఈ క్రమంలోనే ఫ్రాన్స్‌తో చేసుకున్న 100 బిలియన్‌ డాలర్ల విలువైన జలాంతర్గాముల కొనుగోలు ఒప్పందాన్ని రద్దు చేసుకున్న ఆస్ట్రేలియా.. అమెరికా సాంకేతికత పరిజ్ఞానంతో బ్రిటన్‌ నిర్మించిన అణుజలాంతర్గముల కొనుగోలుకు అంగీకరించింది. అయితే ఈ పరిణామాలపై ఫ్రాన్స్‌ తీవ్ర ఆగ్రహం వ్యక్తం చేసింది. ఆస్ట్రేలియా-బ్రిటన్‌- అమెరికా మధ్య కుదిరిన ఒప్పందాన్ని వెన్నుపోటుగా అభివర్ణించిన ఫ్రాన్స్‌.. ఇందుకు నిరసనగా ఆ దేశాల్లోని తమ రాయబారులను వెనక్కి పిలిపించింది.

► Read latest India News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.