Taliban: తాలిబన్లతో అందరూ సంబంధాలు పెట్టుకోవాలి..

 చైనా సూచన 

బీజింగ్‌: అఫ్గానిస్థాన్‌లో మౌలిక మార్పులు సంభవించాయని, అందువల్ల తాలిబన్లతో అందరూ సంబంధాలు పెట్టుకోవాలని చైనా సూచించింది. చైనా విదేశాంగ మంత్రి వాంగ్‌ యీ ఆదివారం అమెరికా విదేశాంగ మంత్రి ఆంటోనీ బ్లింకెన్‌కు ఫోన్‌ చేసి అఫ్గాన్‌ పరిస్థితిపై చర్చలు జరిపారు. అమెరికా సహా ప్రపంచ దేశాలన్నీ అఫ్గాన్ల జీవనానికి అవసరమయ్యే సాయాన్ని చేయాలని కోరారు. తాలిబన్ల పాలనా వ్యవహారాలకు మార్గదర్శనం చేయాలని సూచించారు. అమెరికా సైన్యం ఉపసంహరణ తరువాత కాబుల్‌లో పరిస్థితులు ఆందోళనకరంగా ఉన్నాయని తెలిపారు. ఇతర ఉగ్రవాద సంస్థలు రెచ్చిపోయే ప్రమాదం ఉందని చెప్పారు. ఆ దేశ సార్వభౌమాధికారాన్ని గౌరవిస్తునే ఉగ్రవాదం అణచివేతకు చర్యలు తీసుకోవాలని కోరారు.