Godfather: ‘గాడ్‌ఫాదర్‌’కు సూపర్‌ రెస్పాన్స్‌.. అక్కడ 600+ స్క్రీన్లు పెంపు!

హైదరాబాద్‌: ‘గాడ్‌ఫాదర్‌’ (Godfather)తో ఈ దసరాకు మంచి విజయాన్ని తన ఖాతాలో వేసుకున్నారు అగ్ర కథానాయకుడు చిరంజీవి (Chiranjeevi). ఈ సినిమా తెలుగులోనే కాకుండా హిందీలోనూ మంచి టాక్‌తో నడుస్తోంది. బాలీవుడ్‌లో ఈ చిత్రానికి ప్రేక్షకుల నుంచి వస్తోన్న సూపర్‌ రెస్పాన్స్‌ను దృష్టిలో పెట్టుకుని చిత్రబృందం మరో అడుగు వేసింది. ‘గాడ్‌ఫాదర్‌’ హిందీ వెర్షన్‌కు శనివారం నుంచి మరో 600 స్క్రీన్స్‌ పెంచినట్లు చిరంజీవి ప్రకటించారు. ఈ మేరకు ఆయన ఓ వీడియో షేర్‌ చేశారు.

పాన్‌ ఇండియా సినిమా చేసేశారు

‘‘గాడ్‌ఫాదర్‌’పై మీరు చూపిస్తోన్న ప్రేమాభిమానానికి ధన్యవాదాలు. విడుదలైన రెండు రోజుల్లో మా చిత్రం రూ.69 కోట్లకు పైగా వసూళ్లు రాబట్టినందుకు ఆనందిస్తున్నా. హిందీ బెల్ట్‌లో మరో 600 స్క్రీన్స్‌ పెంచుతున్నాం. మా చిత్రాన్ని పాన్‌ ఇండియా మూవీగా చేసినందుకు ప్రేక్షకులు, అభిమానులకు ధన్యవాదాలు’’ అని చిరు పేర్కొన్నారు.

ఈ సినిమాలో కీలకపాత్ర పోషించిన సల్మాన్‌ ఖాన్‌కు కృతజ్ఞతలు చెబుతూ చిరు మరో వీడియో ఇన్‌స్టాలో  షేర్‌ చేశారు. మలయాళీ సూపర్‌హిట్ ‘లూసిఫర్‌’కు రీమేక్‌గా ‘గాడ్‌ఫాదర్‌’ తెరకెక్కింది. మోహన్‌రాజా ఈ చిత్రానికి దర్శకత్వం వహించారు. సల్మాన్‌ ఖాన్‌, నయనతార, సత్యదేవ్‌ కీలక పాత్రలు పోషించారు. మాతృకతో సంబంధం లేకుండా తెలుగు వారికి చేరువయ్యేలా మార్పులు చేసి దర్శకుడు మోహన్‌రాజా ‘గాడ్‌ఫాదర్‌’ తెరకెక్కించారు.