Vishal: ప్రేమ పెళ్లే చేసుకుంటా.. త్వరలో ఆమెను పరిచయం చేస్తా: విశాల్‌

చెన్నై: వివాహంపై తన మనసులోని మాట బయటపెట్టాడు నటుడు విశాల్ (Vishal)‌. తాను త్వరలోనే పెళ్లి చేసుకుంటానని చెప్పాడు. ‘‘నటీనటుల యూనియన్‌ బిల్డింగ్‌ నిర్మాణ పనులు మూడేళ్ల నుంచి కొనసాగుతున్నాయి. త్వరలోనే ఆ బిల్డింగ్‌ పనులు పూర్తి కానున్నాయి. అది పూర్తైన వెంటనే నేను పెళ్లి చేసుకుంటా. అది కూడా ప్రేమ వివాహమే’’ అని విశాల్‌ వెల్లడించాడు. అంతేకాకుండా తనకు కాబోయే అమ్మాయిని సమయం వచ్చినప్పుడు పరిచయం చేస్తానని చెప్పాడు.

‘లాఠి’, ‘డిటెక్టివ్ 2’, ‘మార్క్‌ ఆంటోనీ’ సినిమా షూటింగ్స్‌తో బిజీగా ఉన్న విశాల్‌ చెన్నైలో జరిగిన ఓ సేవా కార్యక్రమంలో పాల్గొన్నాడు. సామూహిక వివాహాల వేడుకలో పాల్గొని.. వధూవరులకు అభినందనలు తెలిపాడు. నూతన దంపతులకు ప్రత్యేక బహుమతులు అందించడమే కాకుండా వారి పిల్లల చదువుకు సైతం సాయం చేస్తానని హామీ ఇచ్చాడు. ఈ సందర్భంగానే తన పెళ్లి గురించి స్పందించాడు.