HoneyRose:పెళ్లి అనేది ఒక పెద్ద బాధ్యత..: హనీరోజ్‌

హైదరాబాద్‌: ‘వీరసింహారెడ్డి’ (Veera Simha Reddy) సినిమాతో భారీగా అభిమానులను సొంతం చేసుకుంది కేరళ ముద్దుగుమ్మ హనీరోజ్‌ (HoneyRose). ఆ సినిమా తర్వాత రోజూ సోషల్‌మీడియాలో కనిపిస్తూ సందడి చేస్తూనే ఉంటోంది. షాపింగ్ మాల్‌ ప్రారంభోత్సవాల్లో, పలు కార్యక్రమాల్లో అతిథిగా పాల్గొంటూ  అభిమానులను ఫిదా చేస్తోంది. తాజాగా విజయవాడలో ఓ బేకరి ఓపెనింగ్‌కు వెళ్లిన హనీ.. నటనపై తనకున్న ఆసక్తి, పెళ్లిపై తనకున్న అభిప్రాయాన్ని వెల్లడించింది. ఫ్యాన్స్‌ కోసం డ్యాన్స్‌ వేసి అలరించింది.

పెళ్లి అనేది ఓ పెద్ద బాధ్యత అని హనీరోజ్‌ తన అభిప్రాయాన్ని తెలిపింది. తాను ఆ బాధ్యతకు సిద్ధంగా ఉన్నట్లు చెప్పింది. వివాహబంధం బలంగా ఉండడం కోసం తాను ఏమైనా చేస్తానని స్పష్టం చేసింది. కేరళ ఆహారం అంటే తనకు చాలా ఇష్టమన్న హనీరోజ్‌ నటనపై ఆమెకున్న ప్రేమ గురించి మాట్లాడింది. చిన్నప్పటి నుంచే ఆమెకు నటనపై ఆసక్తి ఎక్కువగా ఉండేదని తెలిపింది. ప్రస్తుతం హానీ మాటలు వైరలవుతున్నాయి. ‘వీరసింహారెడ్డి’ సినిమాలో మీనాక్షి పాత్రలో మెప్పించిన హనీరోజ్‌ తర్వాత చిత్రం కోసం ఆమె అభిమానులు ఎదురుచూస్తున్నారు. మరోవైపు బాలకృష్ణ (Balakrishna) రానున్న సినిమాలో కూడా హనీరోజ్‌కు అవకాశం ఇచ్చారనే వార్తలు వినిపిస్తున్నాయి. అనిల్‌ రావిపూడి దర్శకత్వంలో బాలకృష్ణ హీరోగా తెరకెక్కుతోన్న చిత్రంలో ఈ అమ్మడికి అవకాశం ఇచ్చినట్లు టాక్‌ నడుస్తోంది.