Pushpa: ‘కాంతార’లో భూతకోల.. అల్లు అర్జున్ ‘పుష్ప 2’ లుక్ వెనుక కథ ఇదేనా..?
పాన్ ఇండియా చిత్రం ‘పుష్ప 2’ (Pushpa 2)లోని హీరో అల్లు అర్జున్ (Allu Arjun) ఫస్ట్ లుక్ చూశారా..! యావత్ సినీ అభిమానుల్ని ఆశ్చర్యపరిచిన ఆ లుక్ వెనుక కథేంటో మీకు తెలుసా..?
ఇంటర్నెట్ డెస్క్: స్టార్డమ్ రాకముందు ప్రయోగాత్మక పాత్రల్లో నటించడం వేరు. అగ్ర నటుల జాబితాలో చేరిన తర్వాత ప్రయోగాలు చేయడం వేరు. స్టార్ క్రేజ్ సంపాదించుకున్న హీరో సాహసోపేతమైన కథలో నటించాలన్నా, ఎక్స్పెరిమెంటల్ రోల్లో కనిపించాలన్నా.. ఎన్నో లెక్కలేసుకోవాలి. సంస్కృతి, సంప్రదాయాలకు సంబంధించినవైతే ఆ లెక్కలు మరింత ఎక్కువ. ఇటీవల.. ‘కాంతార’ (Kantara)తో కన్నడ హీరో రిషబ్శెట్టి (Rishab Shetty) ఆ అసాధ్యాన్ని సుసాధ్యం చేసి, అన్ని చిత్ర పరిశ్రమల వారిని ఆశ్చర్యపరిచారు. ఇప్పుడు ఒక్క లుక్తోనే అల్లు అర్జున్ ‘పుష్ప’ (Pushpa 2) చిత్రంపై అంచనాలు పెంచారు. మరి, ఆయా ‘అవతారాల’ నేపథ్యం గురించి తెలుసుకుందామా..?
కాంతారలో అలా..
కర్ణాటకలోని తుళునాడు ఆదివాసీ సంస్కృతి, సంప్రదాయాన్ని ముఖ్యంగా భూతకోల గురించి ప్రపంచానికి చాటిచెప్పిన చిత్రం ‘కాంతార’. ప్రకృతి - మానవాళి మధ్య సత్సంబంధాలు ఉండాలని, ప్రకృతిని నాశనం చేయాలనుకుంటే మానవజాతి సమస్యలు ఎదుర్కోవాల్సి వస్తుందనే ఇతివృత్తంతో రూపొందిన ఈ సినిమా క్లైమాక్స్లో హీరో రిషబ్.. పంజుర్లిగా నట విశ్వరూపం చూపించిన సంగతి తెలిసిందే. ముఖమంతా పసుపు పూసుకుని, కిరీటం పెట్టుకుని, మెడలో మల్లెపూలు, కనకాంబరాల దండలు వేసుకుని, కత్తిరించిన కొబ్బరి ఆకులను దుస్తులుగా ధరించి.. ‘ఓఁ’ అని అంటూ ఉంటే ప్రేక్షకులంతా తన్మయత్వానికి లోనయ్యారు. ఆ సంప్రదాయమేంటో తెలుసుకునేందుకు చాలామంది ఆసక్తి చూపారు. దీనికి సంబంధించి రెండు కథలు ప్రచారంలో ఉన్నాయి.
పూర్వం తుళునాడులో అడవి పందులు ఎక్కువగా సంచరించేవని, ఓ పంది తన పంటను నాశనం చేస్తుందని కోపోద్రిక్తుడైన స్థానిక రైతు దాన్ని చంపేశాడని, కొంతకాలం తర్వాత.. తాను చేసింది తప్పు అని ఆవేదన చెందిన ఆ రైతు పంది ఆత్మను పూజించడం ప్రారంభించాడని, ఆ తర్వాత స్థానికులంతా వరాహాన్ని దైవంలా కొలిచేవారని కొందరు చెబుతుంటారు. మరోటి ఏంటంటే..? ఓ మగ పంది, ఓ ఆడ పంది కలిసి సుబ్రహ్మణ్యేశ్వర ఆలయానికి వెళ్లి ప్రార్థించగా.. వాటి భక్తిని మెచ్చిన స్వామి ప్రత్యక్షమై ఏం కావాలో కోరుకోమన్నాడట. వాటి కోరికను సుబ్రహ్మణ్య స్వామి నెరవేర్చాడని, వాటికి నాలుగు పిల్లలు పుట్టాయని, వాటిల్లో ఒకటి.. ఈశ్వరుడి తోటలో ప్రవేశించిందని, పార్వతికి బాగా నచ్చడంతో శివుడు దాన్ని ఆమెకు కానుకగా ఇచ్చాడని, తర్వాత కైలాసంలోని తోటలను నాశనం చేయడంతో ఆగ్రహించిన శివుడు ఆ పంది పిల్లని చంపేశాడని అక్కడి ప్రజలు అంటుంటారు. ఆ ఘటనకు ఎంతో బాధపడిన పార్వతి ఆ పందిని తిరిగి తీసుకురావాలని కోరగా పరమేశ్వరుడు దానికి ప్రాణం పోసి, దైవిక శక్తిని ప్రసాదించి, పంజుర్లిగా భూమ్మీదకు పంపించాడని, మానవులకు ఎలాంటి సమస్యలు ఎదురైనా ఆ దైవరూపాన్ని ప్రార్థిస్తే పరిష్కారం లభిస్తుందనేది తుళునాడు ప్రజల విశ్వాసం. ప్రాంతాన్ని బట్టి అన్నప్ప పంజుర్లి, కద్రి పంజుర్లి, కాంతవర పంజుర్లి.. ఇలా పేర్లు మారుతూ ఉంటాయి. ఆ దైవాన్ని పూజించే ప్రత్యేక సంగీత నాట్యకళే భూతకోల. దానికి దైవ కోల, నేమ అనే పేర్లూ ఉన్నాయి. పంజుర్లితోపాటు క్షేత్రపాలకుడిగా గుళిగను కూడా శివుడు పంపించాడని, తప్పు చేసిన వారిని పంజుర్లి వదిలిపెట్టినా గుళిగ వదలదు అని అక్కడి ప్రజలు నమ్ముతుంటారు.
పుష్ప 2లో ఇలా..
అల్లు అర్జున్ పుట్టిన రోజు సందర్భంగా విడుదలైన ‘పుష్ప 2’లోని అతడి ఫస్ట్లుక్ చూసిన వారంతా ఆశ్చర్యానికి గురయ్యారు. చీర కట్టుకుని.. చేతులకు గాజులు, చెవులకు దుద్దులు, ముక్కు పుడకలు, మెడలో హారంతోపాటు పూల దండతో కనిపించడంతో బన్నీ.. మహిళ పాత్ర పోషించి ఉంటారని చాలామంది అభిప్రాయపడ్డారు. కానీ, అది కాదు. ‘పుష్ప’ తొలి భాగం చిత్తూరు, తిరుపతి ప్రాంతాల్లో సాగే ఎర్ర చందనం అక్రమ రవాణా నేపథ్యంలో తెరకెక్కిన సంగతి తెలిసిందే. కొనసాగింపు సినిమా కాబట్టి ‘పుష్ప 2’లోనూ చిత్తూరు, తిరుపతి బ్యాక్డ్రాప్ ఉంటుంది. టైటిల్ లోగో పరిశీలిస్తే విదేశాలతో ముడిపడిన కథ కూడా అని అర్థమవుతుంది. అంతగా ఆశ్చర్యానికి గురిచేసిన బన్నీ గెటప్పు.. చిత్తూరు/తిరుపతి కల్చర్కి సంబంధించింది. చిత్తూరు, తిరుపతి జిల్లాల్లో జరిగే అతి ముఖ్యమైన పండగల్లో గంగమ్మ జాతర ఒకటి. అమ్మవారికి మొక్కుకొని మగవారు చీర కట్టుకుని.. లిప్స్టిక్, గోళ్లరంగు వేసుకుని ఆడవారిలా కనిపించడం అక్కడి సంప్రదాయం. అలా ముస్తాబైన వారు ఉట్టి పట్టుకుని గంగమ్మ గుడి చుట్టూ ప్రదక్షిణలు చేస్తారు. చివరిగా దిష్టి తీసి ఉట్టిని పగలగొడతారు. పెద్దవారే కాదు చిన్నారులు కూడా విభిన్న వేషధారణలో కనిపిస్తుంటారు. ఆ సంప్రదాయం వెనుక ఓ కథ ప్రచారంలో ఉంది. తిరుపతిలో ఏడు గంగమ్మ ఆలయాలున్నాయి. అవిలాలలో గంగమ్మ జన్మిస్తుంది. తాతయ్యగుంట దగ్గర ఉన్న గంగమ్మను చిన్న గంగమ్మగా పిలుస్తారు. ఇక్కడే జాతర జరుగుతుంది. కలియుగ శ్రీనివాసునికి గంగమ్మ చిన్న చెల్లెలు. దీంతో ప్రతి ఏటా జరిగే జాతర ఉత్సవాలకు కొండపైనున్న శ్రీవేంకటేశ్వరుని ఆలయం నుంచి కానుకలు రావడం సంప్రదాయంగా ఉంది.
కొన్ని వందల ఏళ్ల క్రితం తిరుపతి, పరిసర పల్లెలను పాలెగాళ్లు పరిపాలించేవారు. మహిళల్ని వేధించేవారు. తమ కన్ను పడిన వారిపై అత్యాచారానికి పాల్పడేవారు. తిరుపతిని పాలించే పాలెగాడు మరింత దుర్మార్గంగా ఉండేవాడు. వీడి దురాగతాల నుంచి రక్షించేందుకు గంగమ్మ పుట్టిందట. యుక్త వయసు వచ్చాక ఆమె మీదా పాలెగాడి దృష్టి పడుతుంది. అయితే పాలెగాడిపై ఆమె ఉగ్రరూపం దాల్చడంతో వాడు పారిపోయి దాక్కున్నాడు. పాలెగాడిని బయటకు రప్పించేందుకు రోజుకు ఒక వేషం చొప్పున అమ్మవారు ధరించారు. మొదటి రోజు బైరాగి వేషం ధరిస్తుంది. ఆ తర్వాత నాలుగోరోజు దొర వేషం ధరించి దొర కంఠంతో అరుస్తుంది. ఆ అరుపు విన్న వెంటనే పాలెగాడు తమ దొర వచ్చాడని బయటకు వస్తాడు. వెంటనే గంగమ్మ ఉగ్రరూపం దాల్చి వాడిని చంపుతుంది. ఆ సంప్రదాయం ఇప్పటికీ కొనసాగుతోంది. ఏప్రిల్, మేలో జాతర జరుగుతుంటుంది. ఈ నేపథ్యానికి సంబంధించి కొన్ని సన్నివేశాలను దర్శకుడు సుకుమార్ ‘పుష్ప 2’లో చూపించనున్నారని సమాచారం. ‘లుక్కే ఇలా ఉంటే.. ఇక సినిమా ఎలా ఉంటుందో’ అంటూ యావత్ సినీ అభిమానులంతా ఆసక్తిగా ఎదురుచూస్తున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది?
తాజా వార్తలు (Latest News)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్
-
బైక్పై స్టంట్లు.. ‘స్పైడర్ మ్యాన్’ను అరెస్ట్ చేసిన పోలీసులు!