Chandra Mohan: తెనాలి రామకృష్ణుడు.. ఆవారా కొడుక్కి తండ్రీ అన్నీ ఆయనే! మిమిక్రీ ఆర్టిస్టుకి దొరకని సహజ నటుడు..
చిత్ర పరిశ్రమలో ఒక వాదన ఉంది.. ‘హీరోలందరూ నటులు కాలేరు. కానీ, నటులు హీరోలు కావచ్చు’ ఎందుకంటే కథకు హీరో అయితే ఆ కథే అతడికి పేరు తీసుకొస్తుంది. కానీ, అదే కథకు నటుడు దొరికితే అది అద్భుత చిత్రమవుతుంది. ఈ రెండింటికీ సరిపోయే అతి కొద్ది మంది నటుల్లో చంద్రమోహన్ ఒకరు. ఆయన ఒక హీరో.. ఒక కమెడియన్.. ఒక క్యారెక్టర్ ఆర్టిస్ట్.. పిల్లలకు తండ్రి... ఇలా చెప్పుకొంటూ పోతే చంద్రమోహన్ ఒక సహజ నటుడు. నీరు ఏ పాత్రలో పోస్తే, దాని ఆకారాన్ని సంతరించుకున్నట్లు చంద్రమోహన్ కూడా ఆ పాత్రలో ఇమిడిపోతారు.. కలిసిపోతారు.. అందులో మమేకమై మన హృదయాలకు దగ్గరవుతారు.
హీరో అయితే ఫైట్లే చేయాలా ఏంటి?
చలం, పద్మనాభం, రాజబాబు కమెడియన్లుగానే కాక కథానాయకులుగానూ రాణించారు. కానీ, హీరోయిజంతోపాటు కామెడీ కూడా చేయగల నటుడిగా తనని తాను నిరూపించుకున్నారు చంద్రమోహన్. ‘కొంటె కాపురం’, ‘సీతాపతి సంసారం’, ‘గోపాలరావుగారి అమ్మాయి’, ‘పక్కింటి అమ్మాయి’, ‘ఇంటింటి రామాయణం’, ‘రాధాకల్యాణం’ తదితర చిత్రాలు చూస్తే, చంద్రమోహన్ చక్కటి హాస్యాన్ని పండిస్తూనే తన స్థాయి తగిన హీరోయిజాన్ని ఆయా పాత్రల్లో చూపించారు. ఇక ‘16ఏళ్ల వయసు’లో అవిటి వ్యక్తిగా, కాస్త తింగరతనం కలగలిసిన గోపాలకృష్ణ పాత్రలో చంద్రమోహన్ (Chandra Mohan) నటన తెలుగు ప్రేక్షకులను కట్టిపడేసింది. తాను ఇష్టపడే మల్లి మరొకరిని ఇష్టపడుతోందని తెలిసిన తర్వాత చంద్రమోహన్ పలికించే హావభావాలు సినిమాలో లీనమైన ప్రతి ప్రేక్షకుడిని కన్నీళ్లు పెట్టిస్తాయి. తమిళంలో ఇదే పాత్రను చేసిన కమల్హాసన్ చంద్రమోహన్ నటనకు ఫిదా అయిపోయారంటే అర్థం చేసుకోవచ్చు.
చంద్రమోహన్ ఏదైనా చేస్తారు!
చిత్ర పరిశ్రమలో నటుడిగా ప్రయాణం మొదలు పెట్టిన తర్వాత చాలా మంది ఏదో ఒక విషయంలో ప్రతిభను కనబరుస్తారు. అంటే యాక్షన్ హీరో, ఫ్యామిలీ స్టార్, కమెడియన్ ఇలా ఏదో ఒక దానిలో ఇమిడిపోతారు. ‘చంద్రమోహన్ ఇలాంటి పాత్రలే చేస్తాడు’ అని కాకుండా ‘ఎలాంటి పాత్ర అయినా చేస్తాడు’ అని అనిపించుకున్నారు. ‘అన్ని పాత్రలకు సరిపోతున్నావు. ఏదోక రోజు మంచి అవకాశాలు వస్తాయి. అప్పటివరకూ వచ్చిన ప్రతి అవకాశాన్ని వదలకు’ అని శోభన్బాబు ఇచ్చిన సలహానే ‘సిరిసిరి మువ్వ’లో సాంబయ్యగా కనిపించినా, ‘కురుక్షేత్రం’లో అభిమన్యుడిగా వీరవిహారం చేసినా, ‘ప్రాణం ఖరీదు’లో మూగవాడిగా అద్భుత నటన కనబరిచినా మనకు ఆ పాత్రలే కనపడతాయి తప్ప చంద్రమోహన్ కనిపించరు. ‘రామ్ రాబర్ట్ రహీమ్’లో కృష్ణ, రజనీకాంత్ యాక్షన్తో అదరగొడితే, చంద్రమోహన్ తన డిక్షన్తో అలరించారు. ‘పక్కంటి అమ్మాయి’ మనసు దోచేందుకు ఎస్పీ బాలసుబ్రహ్మణ్యంతో కలిసి చంద్రమోహన్ చేసే హంగామా ఎంత సహజంగా ఉంటుందో మాటల్లో చెప్పలేం.
అందరిలో ఒకడు.. కానీ, గుర్తుండిపోతాడు!
చంద్రమోహన్ (Chandra Mohan) తన కెరీర్లో ఫలానా పాత్రల కోసమేనని గిరిగీసుకుని కూర్చొలేదు. అగ్ర కథానాయకుడు ఏయన్నార్, కృష్ణ వంటి హీరోల చిత్రాల్లో నటిస్తూనే, మరోవైపు అప్పుడు చిత్ర పరిశ్రమలో స్టార్లుగా ఎదుగుతున్న చిరంజీవి, నాగార్జున, వెంకటేష్, బాలకృష్ణ వంటి హీరోల చిత్రాల్లో వారి స్నేహితుడి పాత్రల్లోనూ మెప్పించారు. దర్శక-రచయితలు ఆయనకు రాసిన పాత్రలకు వందశాతం న్యాయం చేసేవారు. ‘ప్రతి ఘటన’లో లాయర్ గోపాలకృష్ణగా, ‘శ్రీ షిర్డీ సాయిబాబా’లో నన్వలిగా, ‘ఆదిత్య 369’లో ‘తెనాలి రామకృష్ణగా’ చంద్రమోహన్ను తప్ప మరొకరిని ఊహించుకోలేం. ‘పెద్దరికం’లో తన తండ్రికి తెలియకుండా పెళ్లి చేసుకుని జగపతిబాబుకు దొరికిపోయినప్పుడు చంద్రమోహన్ పలికించే హావభావాలు ఎంతగానే అలరిస్తాయి.
కాలంతో మారిన చంద్రమోహన్
కాలంతో పాటు ప్రతి మనిషీ మారాల్సిందే. అందుకు నటీనటులు ఏమీ అతీతులు కాదు. చంద్రమోహన్కు ఆ విషయం బాగా తెలుసు. అందుకే 50 ఏళ్ల పాటు ఇండస్ట్రీలో నటుడిగా కొనసాగారు. వయసుకు తగిన పాత్రలను ఎంపిక చేసుకోవాల్సిన సమయం వచ్చిందని అర్థం చేసుకున్నారు. 90వ దశకం నాటికి హీరో, కమెడియన్ పాత్రలకు నెమ్మదిగా స్వస్తి పలికి, తండ్రి పాత్రలు చేయడం మొదలు పెట్టారు. ‘కలికాలం’తో మొదలైన ఆ ప్రవాహం.. చివరి వరకూ కొనసాగింది. ‘గులాబీ’లో కొడుకు అతడి స్నేహితులతో కలిసిపోయే తండ్రిగా ఎంతగా అలరించారో, ‘ఆమె’లో ఇద్దరు కూతుళ్లకు తండ్రిగా, పరిస్థితులకు తలవంచే మధ్యతరగతి ఉద్యోగిగా అంతే భావోద్వేగాలను పంచారు. ‘నిన్నే పెళ్లాడతా’లో ఆయిల్ పుల్లింగ్ చేసినా, ‘ప్రేమించుకుందాం రా’లో పేపర్ వేసే వాడితో గొడవ పడినా ఆయనకే చెల్లింది. ‘తమ్ముడు’, ‘మనసంతా నువ్వే’, ‘నువ్వు నాకు నచ్చావ్’, ‘నువ్వే నువ్వే’, ‘సంతోషం’ ఇలా చెప్పుకొంటూ పోతే, ఒక కుటుంబరావు, ఒక శేఖరం, ఒక చంద్రం కనిపిస్తారు.
ఆవారా కొడుకు.. ఆవేదన పడే తండ్రి..
‘7/జీ బృందావనకాలనీ’ 2004లో యువ హృదయాలను కట్టిపడేసిన చిత్రం. ఇందులో రవి తండ్రి పాత్రలో చంద్రమోహన్ను (Chandra Mohan) తప్ప మరొకరిని ఊహించుకోలేం. అటు చదువు చదవకుండా, ఇటు పని చేయకుండా బాధ్యత లేకుండా తిరిగే కొడుకు పట్ల ఒక సగటు తండ్రి పడే ఆవేదన చంద్రమోహన్ తన నటనతో ఆవిష్కరించిన తీరు నభూతో.. ఎందుకంటే, ఇప్పటికీ మీమర్స్కు ఆ పాత్ర ఒక అసెట్. కొడుక్కి ఉద్యోగం వచ్చిన తర్వాత తన భార్యతో ‘ఇంకొకసారి నా కొడుకుని ఎవరైనా పనికిమాలినవాడు అంటే ఊరుకోను’ అంటూ ఆయన పలికే సంభాషణలు ప్రతి యువకుడితోనూ కన్నీళ్లు పెట్టించాయి. ఇక ‘రణం’, ‘ఢీ’, ‘కృష్ణ’, ‘లౌక్యం’ తదితర చిత్రాల్లో కొడుకు వల్ల ఇబ్బందులు పడే సగటు తండ్రి పాత్రలో నవ్వులు పంచారు.
మిమిక్రీ ఆర్టిస్టుకి దొరకని సహజ నటుడు
ఒకరి నటనను, వారి వాయిస్ను అనుకరించడం మనం చూస్తూనే ఉంటాం. చాలా తక్కువ మంది నటులను మాత్రమే ఎవరూ అనుకరించలేరు. ఒక నటుడిని అనుకరించాలంటే అతడిలోని నటనాపరమైన ఒక మేనరిజం పట్టుకోవాలి. అలాంటి మేనరిజాలేమీ లేకుండా పాత్రకు తగ్గట్టు మారిపోతుంటే ఆర్టిస్ట్ను ఇమిటేట్ చేయడం కష్టం. అలా మిమిక్రీ ఆర్టిస్ట్కు కూడా దొరకని నటుడే చంద్రమోహన్. అందుకే ఆయన సహజ నటుడు అయ్యారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
యువతరం.. వైవిధ్యమే తొలి విజయం: స్టార్ నటులు మెచ్చిన యంగ్ హీరోలెవరంటే?
విభిన్న కథలను ఎంపిక చేసుకుంటూ విజయాన్ని అందుకుంటున్న యంగ్ హీరోలపై ప్రత్యేక కథనం.. -
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
ప్రభాస్ (Prabhas) కథానాయకుడిగా నాగ్ అశ్విన్ దర్శకత్వంలో రూపొందుతున్న సైన్స్ ఫిక్షన్ మూవీ ‘కల్కి 2898 ఏడీ’ (Kalki 2898 AD). ఇందులో ప్రముఖ నటుడు అమితాబ్ బచ్చన్ అశ్వత్థామగా (Ashwathama) కనిపించనున్నారు. -
ఇక్కడ ప్రభాస్, విష్ణు.. అక్కడ రజనీకాంత్, కమల్ హాసన్: వీరి చిత్రాల స్పెషల్ ఏంటంటే?
ప్రముఖ నటులు కొందరు కలిసి నటిస్తున్న చిత్రాలపై ప్రత్యేక కథనం. ఎవరెవరు ఏయే సినిమాల్లో నటిస్తున్నారంటే? -
నాయికలు ‘తెర’ పంచుకుంటే.. వినోదం పెంచినట్టే
త్వరలో విడుదల కాబోయే సినిమాలు ప్రేక్షకులకు రెట్టింపు వినోదాన్ని పంచడానికి సిద్ధమవుతున్నాయి. అందుకు కారణం ఒకే మూవీలో ఇద్దరు/ ముగ్గురు హీరోయిన్లు కలిసి నటిస్తుండటమే.. -
సీనియర్ హీరోయిన్ల జోరు ‘తగ్గేదే లే’.. ఎవరెన్ని సినిమాలతో బిజీగా ఉన్నారంటే?
టాలీవుడ్ సీనియర్ హీరోయిన్లపై ప్రత్యేక కథనం. త్రిష, నయనతార, తమన్నా.. ఇలా ఎవరెవరు ఎన్ని సినిమాలతో సందడి చేసేందుకు సిద్ధంగా ఉన్నారంటే? -
పృథ్వీరాజ్ సుకుమారన్ బెస్ట్ మూవీస్.. ఇప్పుడు ‘ఆడుజీవితం’.. ఇంతకుముందు?
పృథ్వీరాజ్ సుకుమారన్ నటించిన ఉత్తమ చిత్రాలు ఏంటంటే..? -
ఆ అవార్డు అందుకున్న తొలి వ్యక్తిని నేనే అని తెలిసి షాకయ్యా.. అల్లు అర్జున్
నటుడు అల్లు అర్జున్ (Allu Arjun) పుట్టినరోజు నేడు. ఈ సందర్భంగా ఆయనకు సంబంధించిన పలు ఆసక్తికర విశేషాలు. -
రికార్డుల్లోనూ ఫస్టే ఈ నేషనల్ క్రష్.. రష్మిక ఖాతాలో ఘనతలెన్నో!
రష్మిక పుట్టినరోజు సందర్భంగా ఆమె సొంతంచేసుకున్న కొన్ని రికార్డులను చూద్దాం.. -
రామ్ చరణ్ బర్త్డే.. ఆయన బాల్యం గురించి ఈ విశేషాలు తెలుసా..?
టాలీవుడ్ ప్రముఖ హీరో రామ్ చరణ్ పుట్టినరోజు నేడు. ఈ సందర్భంగా ఆయన గురించి కొన్ని విశేషాలు.. -
Challenging Roles: పాత్రలకు ప్రాణం పోశారు.. పృథ్వీరాజ్ సుకుమారన్ ఇలా.. విక్రమ్ అలా!
పాత్రలకు ప్రాణం పోసేందుకు మానసికంగా, శారీరకంగా ఎంతగానో శ్రమించిన నటులు, వారి సినిమాల వివరాలివీ.. -
Tollywood Actresses: అగ్ర నాయికలు అలా రూటు మార్చి.. హాట్టాపిక్గా నిలిచి!
అగ్ర కథానాయిక- వర్ధమాన హీరో కాంబినేషన్లో వచ్చిన సినిమాల విశేషాలు.. -
Actors turned Directors: ధనుష్, ఉపేంద్ర, కంగన.. మళ్లీ మరో కోణాన్ని చూపించేందుకు...
స్వీయ దర్శకత్వంలో నటించిన హీరో/హీరోయిన్పై ప్రత్యేక కథనం. ఎవరు ఏ సినిమాతో అలరించేందుకు సిద్ధమయ్యారంటే? -
Alia Bhatt: అందుకు క్లాస్లో బెంచీలు తుడిచి.. బ్యాగ్రౌండ్ ఉన్నా ఆడిషన్ ఇచ్చి: అలియా భట్ బర్త్డే స్పెషల్
అలియా భట్ పుట్టినరోజు సందర్భంగా ఆమె గురించి పలు విశేషాలు.. -
Mamitha Baiju: గిరిజ, సాయి పల్లవిలా మమితా బైజు.. రాజమౌళి మెచ్చిన ఈ నటి ఎవరు?
యంగ్ హీరోయిన్ మమితా బైజును అగ్ర దర్శకుడు ప్రశంసించడం అందరి దృష్టినీ ఆకర్షించింది. ఎవరీ నటి? -
Comedians as Heros: కమెడియన్లు.. కథానాయకులై.. ఎవరెవరు ఏ సినిమాతో అలరించారంటే?
కమెడియన్లుగా కెరీర్ని ప్రారంభించి హీరోగాను సినిమాలు చేస్తున్న నటులపై ప్రత్యేక కథనం.. -
Krystyna Pyszkova: మనిషే కాదు.. మనసూ అందమే: మిస్ వరల్డ్ క్రిస్టినా గురించి ఆసక్తికర విశేషాలివీ
ప్రపంచ సుందరి-2024 కిరీటం దక్కించుకున్న క్రిస్టినా పిస్కోవా గురించి ఆసక్తికర విశేషాలు మీకోసం.. -
Miss World Pageant: తొలుత ‘బికినీ కాంటెస్ట్’గా.. 28 ఏళ్ల తర్వాత భారత్ ఆతిథ్యం.. ‘మిస్ వరల్డ్’ పోటీల సంగతులివీ!
భారత్ ఆతిథ్యంలో 71వ ఎడిషన్ ‘మిస్ వరల్డ్’ పోటీలు జరుగుతున్నాయి. శనివారం విజేతను ప్రకటించనున్నారు. ఈ సందర్భంగా ఈ అందాల పోటీల గురించి పలు ఆసక్తికర విశేషాలు.. -
Sini Shetty: మిస్ వరల్డ్ పోటీలు.. ‘బెస్ట్ డిజైనర్ డ్రెస్’ విజేతగా సినిశెట్టి
మిస్ వరల్డ్ 2024 పోటీల్లో భారత్కు ప్రాతినిధ్యం వహిస్తున్న సినిశెట్టి గురించి ఆసక్తికర విశేషాలివీ.. -
Movies in March: మార్చిలో మురిపించే చిత్రాలు.. వరుణ్ తేజ్ అలా.. ‘టిల్లు’ ఇలా!
మార్చిలో విడుదల కానున్న సినిమాలపై ప్రత్యేక కథనం. ఏ హీరో చిత్రం ఏ రోజు ప్రేక్షకుల ముందుకు రానుందంటే? -
Valentine Day: వాలంటైన్స్ డేకు రీరిలీజ్ కానున్న ప్రేమకథా చిత్రాలివే..
వాలంటైన్స్ డే సందర్భంగా గతంలో అలరించిన ప్రేమ కథాచిత్రాలు మరోసారి వినోదాన్ని పంచేందుకు సిద్ధమయ్యాయి. -
తొలి సినిమా ఫ్లాప్.. ‘బండమొహం వీడేం హీరో’ అన్నారు.. రీల్ కెరీర్ To పొలిటికల్ ఎంట్రీ.. విజయ్ లైఫ్ జర్నీ ఇదే!
Actor vijay: తల్లిదండ్రులకు సినీ నేపథ్యం ఉన్నా, నటుడిగా తనకంటూ తమిళనాట గుర్తింపు తెచ్చుకున్న విజయ్.. రాజకీయాల్లోకి అడుగు పెట్టారు. ఈ క్రమంలో ఇప్పటివరకూ ఆయన లైఫ్ జర్నీ ఎలా సాగింది?