హంగామా చేద్దామా అంటున్న రాజ్‌తరుణ్‌

రాజ్‌తరుణ్‌ కథానాయకుడిగా నటిస్తోన్న చిత్రం ‘ఒరేయ్‌ బుజ్జిగా’. విజయ్‌ కుమార్‌ కొండా దర్శకుడు. కె.కె.రాధామోహన్‌ నిర్మించారు. హెబ్బా పటేల్‌, మాళవికా నాయర్‌ కథానాయికలు. ఇప్పటికే చిత్రీకరణ పూర్తి చేసుకుంది. ఈ చిత్రం నుంచి ‘‘సరిగమ’’ అనే లిరికల్‌ గీతాన్ని ఆవిష్కరించారు.

‘‘సరిగమ గమ గమ గామా.. హంగామా చేద్దామా’’ అంటూ సాగిపోయే గీతానికి రాజ్‌ తరుణ్‌, హెబ్బా వేసిన స్టెప్పులు ఆకట్టుకునేలా ఉన్నాయి. ఈ పాటకు అనూప్‌ రూబెన్స్‌ స్వరాలు సమకూర్చి స్వయంగా ఆలపించారు. వనమాలి చక్కటి సాహిత్యాన్ని అందించారు. చిత్ర విడుదల తేదీని త్వరలోనే ప్రకటించనున్నారు.