Published : 28 Feb 2020 18:54 IST

వావ్‌.. విక్రమ్‌ లుక్‌ అదిరిపోయింది!

హైదరాబాద్‌: సినిమా కోసం, అందులోని పాత్ర కోసం ఏమైనా చేసేందుకు, ఎంతలా అయినా మారేందుకు సిద్ధంగా ఉంటారు కొందరు నటులు. ఒక కమల్‌హాసన్‌, అమితాబ్‌బచ్చన్‌, మోహన్‌లాల్‌ ఇలా చెప్పుకొంటూ పోతే, ఆ జాబితాలో ప్రత్యేకంగా కనిపించే నటుడు విక్రమ్‌. వైవిధ్యమైన పాత్రల్లో విభిన్న గెటప్‌ల్లో కనిపించడం ఆయనకే సొంతం. జయాపజయాలతో సంబంధం లేకుండా కష్టపడతారు. విక్రమ్‌ కథానాయకుడు అజయ్‌ జ్ఞానముత్తు దర్శకత్వంలో తెరకెక్కుతున్న చిత్రం ‘కోబ్రా’. శుక్రవారం ఈ చిత్ర ఫస్ట్‌లుక్‌ను విడుదల చేశారు. 

ఇందులో ఏడు విభిన్న గెటప్‌లలో విక్రమ్‌ కనిపించి కను విందు చేశారు. వివిధ గెటప్‌లలో కనిపించడం విక్రమ్‌కు కొత్తేమీ కాదు. కానీ, గతంలో ఎన్నడూ కనిపించని గెటప్‌లలో ‘కోబ్రా’లో కనిపిస్తున్నారు. శరవేగంగా చిత్రీకరణ జరుపుకొంటున్న ఈ సినిమా వేసవి కానుకగా మేలో విడుదల కానుంది. ఏఆర్‌ రెహమాన్‌ ఈ చిత్రానికి సంగీతం సమకూర్చడం విశేషం. ‘కోబ్రా’ఫస్ట్‌లుక్‌కు అటు కోలీవుడ్‌తో పాటు ఇటు టాలీవుడ్‌ ప్రేక్షకులకు ఫిదా అవుతున్నారు. సినిమా కోసం ఆయన పడే కష్టానికి హ్యాట్సాఫ్‌ చెబుతున్నారు. 

Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts