God Father: ‘గాడ్‌ ఫాదర్’ ట్రైలర్‌ వచ్చేసింది.. చిరు యాక్షన్‌ అదిరింది

అనంతపురం: ఎప్పుడెప్పుడా? అని సినీ అభిమానులు ఆసక్తిగా ఎదురు చూసిన ‘గాడ్ ఫాదర్‌’ (God Father) ట్రైలర్‌ వచ్చేసింది. వారి అంచనాలకు తగ్గ కంటెంట్‌తో నెట్టింట సందడి చేస్తోంది. చిరంజీవి (Chiranjeevi) హీరోగా మోహన్‌రాజా తెరకెక్కించిన చిత్రమే ‘గాడ్ ఫాదర్‌’. అక్టోబరు 5న ఈ సినిమాను ప్రేక్షకుల ముందుకు తీసుకురానున్న నేపథ్యంలో చిత్ర బృందం బుధవారం ప్రీ రిలీజ్‌ ఈవెంట్ నిర్వహించింది. అందులో భాగంగా ట్రైలర్‌ను విడుదల చేసింది. చిరంజీవి యాక్షన్‌, పవర్‌ఫుల్‌ డైలాగ్స్‌, తమన్‌ అందించిన నేపథ్య సంగీతం ట్రైలర్‌లో ప్రధాన ఆకర్షణగా నిలిచాయి. చిరు కొత్త లుక్‌ అందరినీ ఆకట్టుకునేలా ఉంది. ‘గాడ్‌ ఫాదర్’.. మలయాళ సూపర్‌ హిట్‌ చిత్రం ‘లూసీఫర్‌’ రీమేక్‌గా రూపొందిన సంగతి తెలిసిందే. ఇక్కడి నేటివిటీకి తగ్గట్టు ‘లూసీఫర్‌’ కథలో చాలా మార్పులు చేసినట్టు ట్రైలర్‌ చూస్తే అర్థమవుతోంది. నయనతార, సల్మాన్‌ఖాన్‌, సత్యదేవ్‌, సముద్రఖని, బ్రహ్మాజీ, సునీల్‌ కీలక పాత్రలు పోషించిన ‘గాడ్‌ ఫాదర్‌’ ట్రైలర్‌ మీరూ చూసేయండి..