GopiChand: ఆగస్టులో.. ‘ఆరడుగుల బుల్లెట్‌’ 

ఇంటర్నెట్‌ డెస్క్‌: గోపీచంద్‌ కథానాయకుడిగా ప్రముఖ దర్శకుడు బి.గోపాల్‌ తెరకెక్కించిన చిత్రం ‘ఆరడుగుల బుల్లెట్‌’. నయనతార కథానాయిక. ఎప్పుడో విడుదలకావాల్సిన ఈ చిత్రం పలు కారణాల వల్ల వాయిదాపడింది. త్వరలోనే ప్రేక్షకుల ముందుకు వచ్చేందుకు సిద్ధమవుతోంది. ‘ఈ సినిమాకి సంబంధించిన అన్ని కార్యక్రమాలు పూర్తయ్యాయి. ఆగస్టులో ప్రపంచవ్యాప్తంగా విడుదల చేయనున్నాం. గోపీచంద్‌- నయనతార జోడీ, బి. గోపాల్‌ దర్శకత్వం, మణిశర్మ అందించిన సంగీతం ఈ చిత్రానికి ప్రధాన బలం’ అని చిత్ర బృందం తెలిపింది. విడుదల తేదీని మరికొన్ని రోజుల్లో ప్రకటించనున్నారు దర్శకనిర్మాతలు. ఈ చిత్రాన్ని జయబాలజీ రీల్‌ మీడియా ప్రైవేటు లిమిటెడ్‌ పతాకంపై తాండ్ర రమేశ్‌ నిర్మించారు. ఈ సినిమాలో ప్రకాశ్‌ రాజ్, బ్రహ్మానందం, అభిమన్యు సిన్హా కీలక పాత్రలు పోషించారు. ఈ చిత్రానికి కథ: వక్కంతం వంశీ, మాటలు: అబ్బూరి రవి, ఛాయాగ్రహణం: బాల మురగన్‌,కూర్పు: కోటగిరి వెంకటేశ్వరరావు.