Karthi: మా అన్నయ్య సినిమాకు దర్శకత్వం వహించాలని ఉంది: కార్తి

ఇంటర్నెట్‌ డెస్క్: హీరో కార్తి ప్రస్తుతం ‘పొన్నియిన్‌ సెల్వన్‌’ విజయాన్ని ఆస్వాదిస్తున్నాడు. త్వరలోనే ‘‘సర్దార్‌’’తో ప్రేక్షకులను అలరించేందుకు సిద్ధమయ్యాడు. ఈ చిత్ర ప్రమోషన్‌లో భాగంగా కార్తి తన దర్శకత్వ ఆలోచనల గురించి చెప్పాడు. మణిరత్నం దగ్గర అసిస్టెంట్‌ డైరెక్టర్‌గా తన కెరీర్‌ ఎలా ప్రారంభమైందో గుర్తుచేసుకున్నాడు. ‘మీరు ఏ హీరో సినిమాకు దర్శకత్వం వహించాలనుకుంటున్నారు’ అనే ప్రశ్నకు సమాధానం చెబుతూ ‘‘నేను మొదట అసిస్టెంట్‌ డైరెక్టర్‌గా నా కెరీర్‌ ప్రారంభించింది మా అన్నయ్య సూర్య నటించిన సినిమాతోనే. నేను దర్శకత్వం వహించే తొలి సినిమాలో ఆయనే హీరోగా ఉంటారు. ఎందుకంటే తను నన్ను బాగా అర్థం చేసుకుంటాడు. నా చెయ్యి పట్టుకొని చిత్ర పరిశ్రమలోకి తీసుకువచ్చాడు. నేను అసిస్టెంట్‌ డైరెక్టర్‌గా ఉన్నప్పటి నుంచే నాకు మా అన్నయ్య నటించే సినిమాకు దర్శకత్వం వహించాలని ఉండేది’’ అని చెప్పారు.