Breaking | Feedback | ePratibha | E-PAPER | Pratibha

‘లైగర్‌’ వచ్చేస్తున్నాడు..!

టాలీవుడ్‌ రౌడీ విజయ్‌ దేవరకొండ అభిమానులు ఎంతగానో ఎదురుచూస్తోన్న రోజు వచ్చేసింది. ఆయన కథానాయకుడిగా తెరకెక్కుతోన్న చిత్రం ‘లైగర్‌’. పూరీ జగన్నాథ్‌ దర్శకత్వం వహిస్తున్న ఈ సినిమా విడుదల తేదీని తాజాగా చిత్రబృందం ప్రకటించింది..

Updated : 11 Feb 2021 16:22 IST

హైదరాబాద్‌: టాలీవుడ్‌ రౌడీ విజయ్‌ దేవరకొండ అభిమానులు ఎంతగానో ఎదురుచూస్తోన్న రోజు వచ్చేసింది. ఆయన కథానాయకుడిగా తెరకెక్కుతోన్న చిత్రం ‘లైగర్‌’. పూరీ జగన్నాథ్‌ దర్శకత్వం వహిస్తున్న ఈ సినిమా విడుదల తేదీని తాజాగా చిత్రబృందం ప్రకటించింది. ఈ మేరకు సెప్టెంబర్‌ 9న ‘లైగర్‌’ ప్రేక్షకుల ముందుకు రానుంది. పాన్‌ ఇండియా‌ చిత్రంగా రూపుదిద్దుకుంటోన్న ఈ సినిమా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది. సినిమా విడుదల తేదీని తెలియజేస్తూ విజయ్‌ దేవరకొండ ట్విటర్‌ వేదికగా ‘లైగర్‌’ కొత్త పోస్టర్‌ను అభిమానులతో పంచుకున్నారు. ‘తేదీ ఫిక్స్‌ చేసుకున్నాం. భారత్‌.. మేము వచ్చేస్తున్నాం.’ అంటూ ఆయన ట్వీట్‌ చేశారు.

మార్షల్‌ ఆర్ట్స్‌ నేపథ్యంలో తెరకెక్కుతోన్న ‘లైగర్‌’ కోసం బాక్సింగ్‌లో విజయ్‌ శిక్షణ తీసుకున్నారు. ఇందులో విజయ్‌దేవరకొండ పొడవాటి జుట్టుతో మాస్‌ లుక్‌లో విభిన్నంగా కనిపించనున్నారు. ఇప్పటికే విడుదలైన ‘లైగర్‌’ ఫస్ట్‌లుక్‌ సినీ ప్రియులను ఎంతగానో ఆకర్షించింది. ఈ సినిమాలో విజయ్‌ సరసన అనన్యాపాండే సందడి చేయనున్నారు. ధర్మా ప్రొడెక్షన్స్‌, పూరీ కనెక్ట్స్‌ సంయుక్తంగా ఈ చిత్రాన్ని నిర్మిస్తున్నాయి.

ఇదీ చదవండి

హాలీవుడ్‌ సినిమాల నుంచి ‘పుష్ప’ ఫైట్స్‌

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.