Devil: మది దోచేసిందే సిన్నగా!

‘‘ఏదో అయ్యిందిలే.. గుండె ఝల్లందిలే.. ఒయ్‌ పిల్లా నీ వల్లే’’ అంటూ సంయుక్తతో కలిసి ప్రేమ పాట పాడుకుంటున్నారు హీరో కల్యాణ్‌ రామ్‌. ఇప్పుడీ ఇద్దరూ జంటగా నటించిన చిత్రం ‘డెవిల్‌’. బ్రిటిష్‌ సీక్రెట్‌ ఏజెంట్‌.. అన్నది ఉపశీర్షిక. అభిషేక్‌ నామా స్వీయ దర్శకత్వంలో నిర్మిస్తున్నారు. ఈ సినిమా నవంబరు 24న థియేటర్లలోకి రానుంది. ఈ నేపథ్యంలోనే ఈ చిత్ర తొలి గీతాన్ని మంగళవారం విడుదల చేశారు. ‘‘మాయే చేసి మెల్లగా.. మది దోచేసిందే సిన్నగా. చూపే చూసి సన్నగా.. నను చంపేసిందే సూటిగా’’ అంటూ సాగుతున్న ఈ పాటకు హర్షవర్ధన్‌ రామేశ్వర్‌ స్వరాలు సమకూర్చారు. సత్య ఆర్‌.వి సాహిత్యమందించారు. సిద్‌ శ్రీరామ్‌ ఆలపించారు.