manchu manoj: ‘ఇళ్లల్లోకి వచ్చి ఇలా కొడుతుంటారండి’.. వీడియో షేర్ చేసిన మనోజ్

హైదరాబాద్‌: మంచు సోదరులకు సంబంధించిన ఓ వీడియో ప్రస్తుతం నెట్టింట వైరల్‌గా మారింది. ఇళ్లల్లోకి వచ్చి ఇలా దాడికి దిగుతుంటారంటూ నటుడు మనోజ్‌ (Manchu Manoj) షేర్‌ చేసిన ఈ వీడియో ప్రస్తుతం నెట్టింట తీవ్ర చర్చకు దారి తీసింది. ‘‘ఇళ్లల్లోకి వచ్చి మా వాళ్లను బంధువులను ఇలా కొడుతుంటారండి. ఇది ఇక్కడి పరిస్థితి’’ అంటూ మనోజ్‌ చెబుతుండగా.. మంచు విష్ణు (Manchu vishnu) ఆగ్రహంగా ఉన్నట్లు కనిపించారు.

‘‘వాడు ఏదో అన్నాడు కదా ఒరేయ్‌ గిరేయ్‌ అని’’ అంటూ విష్ణు ఎవరిపైనో కేకలు వేస్తుండగా అక్కడే ఉన్న ఇద్దరి వ్యక్తులు ఆయన్ని ఆపే ప్రయత్నం చేశారు. అయితే.. విష్టు ఎవరిపై ఆగ్రహం వ్యక్తం చేశారు.. అలాగే ఈ ఘటన ఎక్కడ జరిగింది అనే విషయాలు తెలియాల్సి ఉంది. మరోవైపు ఈ వీడియోను మంచు మనోజ్‌ ఫేస్‌బుక్‌, ఇన్‌స్టా స్టోరీస్‌లో షేర్‌ చేసిన కాసేపటికే డిలీట్‌ చేశారు.