Adhira: హీరోగా ‘ఆర్‌ఆర్‌ఆర్‌’ నిర్మాత తనయుడు.. చరణ్‌, తారక్‌, రాజమౌళి సర్‌ప్రైజ్‌

ఇంటర్నెట్‌ డెస్క్‌: ప్రముఖ నిర్మాత డీవీవీ దానయ్య తనయుడు కల్యాణ్‌ తెరంగేట్రం చేస్తున్నారు. ఈయన హీరోగా వైవిధ్య దర్శకుడు ప్రశాంత్‌ వర్మ ‘అధీరా’ అనే సినిమాను తెరకెక్కిస్తున్నారు. కల్యాణ్‌ను పరిచయ ఓ వీడియోను ‘రౌద్రం రణం రుధిరం’ (RRR) కథానాయకులు ఎన్టీఆర్‌, రామ్‌చరణ్‌, దర్శకుడు రాజమౌళి విడుదల చేశారు.

‘అధీరా ఫస్ట్‌ స్ట్రైక్‌’ పేరిట రూపొందిన ఈ వీడియో ఆద్యంతం ఆసక్తిగా సాగింది. కల్యాణ్‌ లుక్‌ అందరినీ ఆకట్టుకునేలా ఉంది. ఈ చిత్రాన్ని ప్రైమ్‌ షో ఎంటర్‌టైన్‌మెంట్‌ పతాకంపై కె. నిరంజన్‌ రెడ్డి నిర్మిస్తున్నారు. పాన్‌ ఇండియా స్థాయిలో రూపొందుతున్న ఈ సినిమాకి సంగీతం: గౌరహరి, కూర్పు: శ్రీకాంత్‌ పట్నాయక్‌, ఛాయాగ్రహణం: శివేంద్ర. ‘జంబలకిడి పంబ’తో సినీ నిర్మాతగా మారిన దానయ్య ‘మావిడాకులు’, ‘సముద్రం’, ‘శివమణి’, ‘దేశముదురు’, ‘జులాయి’, ‘భరత్‌ అనే నేను’ తదితర సినిమాలతో తనదైన ముద్రవేశారు. ‘ఆర్‌ఆర్‌ఆర్‌’తో పాన్‌ ఇండియా స్థాయి చిత్ర నిర్మాతల జాబితాలో చేరారు. ఈ చిత్రం మార్చి 25న విడుదలకానుంది.