Ram charan: ఆస్కార్‌ వేదికపై ‘నాటునాటు’.. రామ్ చరణ్‌ స్పందనిదే!

ఇంటర్నెట్‌ డెస్క్‌: ఎంతో ప్రతిష్ఠాత్మకమైన ఆస్కార్‌ వేదికపై ఈ ఏడాది కూడా ‘ఆర్‌ఆర్ఆర్’ (RRR) మెరిసిన సంగతి తెలిసిందే. లాస్‌ ఏంజిల్స్‌లోని డాల్బీ థియేటర్‌ వేదికగా జరిగిన ఈ వేడుకలో ఉత్తమ ఒరిజినల్‌ సాంగ్‌ కేటగిరీలో అవార్డును ప్రకటించే క్రమంలో తెరపై ‘నాటునాటు’ పాటను ప్రదర్శించారు. దీనికి సంబంధించిన వీడియోలు వైరల్‌ అయ్యాయి. తాజాగా స్టార్ హీరో రామ్‌ చరణ్‌ (Ram charan) ఈ విషయంపై ఆనందం వ్యక్తం చేశారు. ‘ఆస్కార్‌ స్టేజ్‌పై ‘ఆర్ఆర్ఆర్’ మరోసారి కనిపించడం ఎంతో సంతోషంగా ఉంది. ఇది నిజంగా సర్‌ప్రైజ్‌. ఎంతో గౌరవంగా అనిపిస్తుంది’ అని వీడియోను తన ఇన్‌స్టా స్టోరీలో పోస్ట్‌ చేశారు. దీనికి సంబంధించిన స్క్రీన్‌ షాట్‌లను ఈ హీరో ఫ్యాన్స్ షేర్‌ చేస్తున్నారు.

షూటింగ్‌లో నిజంగానే పాము కాటేసింది.. ఆ హిట్‌ సినిమాకు 25 ఏళ్లు..

ప్రస్తుతం రామ్ చరణ్‌ ‘గేమ్‌ ఛేంజర్‌’లో నటిస్తున్నారు. శంకర్‌ దర్శకత్వంలో రూపొందుతున్న పాన్‌ ఇండియా చిత్రమిది. కియారా అడ్వాణీ కథానాయిక. శ్రీ వెంకటేశ్వర క్రియేషన్స్‌ పతాకంపై దిల్‌రాజు, శిరీష్‌ నిర్మిస్తున్నారు. రాజకీయం నేపథ్యంలో సాగే ఈ సినిమాని ఈ ఏడాది సెప్టెంబర్‌లో విడుదల చేసేందుకు సన్నాహాలు చేస్తున్నారు. రామ్‌ చరణ్‌ పుట్టినరోజు సందర్భంగా ఇందులోని పాటను విడుదల చేయనున్నట్లు టాక్‌. ఈ సినిమాతో పాటు బుచ్చిబాబు దర్శకత్వంలో స్పోర్ట్స్‌ బ్యాక్‌డ్రాప్‌లో ఓ చిత్రం రానుంది. జాన్వీ కపూర్‌ (Janhvi Kapoor)కథానాయిక. ప్రస్తుతం దీని ప్రీ ప్రొడక్షన్‌ పనులు శరవేగంగా జరుగుతున్నాయి.