Breaking | Feedback | ePratibha | E-PAPER | Pratibha

NTR: ‘వార్‌2’ కంటే ముందే ఆ సినిమాతో ఎన్టీఆర్‌ బాలీవుడ్‌ ఎంట్రీ..!

‘వార్‌2’ చిత్రంతో ఎన్టీఆర్‌ బాలీవుడ్‌లోకి అడుగు పెట్టనున్న సంగతి తెలిసిందే. అయితే, ఆ చిత్రం కంటే ముందే ఓ స్టార్ హీరో సినిమాలో ఆయన నటించనున్నట్లు తెలుస్తోంది.

Published : 03 Oct 2023 10:55 IST

ముంబయి: హృతిక్‌ రోషన్‌ (Hrithik Roshan) హీరోగా అయాన్‌ ముఖర్జీ తెరకెక్కించనున్న చిత్రం ‘వార్‌2’ (War 2). ఈ సినిమాలో టాలీవుడ్‌ స్టార్‌ హీరో ఎన్టీఆర్‌ (NTR) నటిస్తున్నారు. అయితే, ఈ సినిమా కంటే ముందే ఎన్టీఆర్‌ బాలీవుడ్‌ ఎంట్రీ ఇస్తున్నట్లు అక్కడి మీడియాలో వార్తలు వస్తున్నాయి. ఓ స్టార్‌ హీరో చిత్రంలో ఆయన అతిథి పాత్రలో కనిపించనున్నారట.

సల్మాన్‌ఖాన్‌ (Salman Khan), కత్రినా కైఫ్‌ (Katrina Kaif) జంటగా నటిస్తోన్న చిత్రం ‘టైగర్‌ 3’ (Tiger 3). ‘టైగర్‌ జిందా హై’కు సీక్వెల్‌ ఇది. మనీశ్‌ శర్మ దర్శకుడు. ఇందులో క్లైమాక్స్‌ సన్నివేశంలో ఎన్టీఆర్‌ కనిపించనున్నారట. ఈ విషయంపై బాలీవుడ్‌ మీడియాలో ఇప్పటికే వార్తలు వచ్చాయి. దీంతో ‘వార్‌2’ కంటే ముందే ఎన్టీఆర్‌ బీటౌన్‌లో ఎంట్రీ ఇవ్వడం ఖాయమని అభిమానులు అనుకుంటున్నారు. ఇప్పటికే ‘టైగర్‌ 3’లో షారుక్‌ అతిథి పాత్రలో కనిపిస్తున్నారు. ఇప్పుడు ఎన్టీఆర్‌ కూడా అందులో నటిస్తే అది భారీ మల్టీ స్టారర్‌ అవుతుంది. ఇది దీపావళి కానుకగా విడుదల కానుంది. ‘వార్‌ 2’ను తెరకెక్కిస్తున్న యశ్‌ రాజ్‌ ఫిల్మ్స్‌ నిర్మాణ సంస్థపైనే ‘టైగర్‌ 3’ కూడా రూపొందుతోంది. దీంతో ఈ చిత్ర నిర్మాతలు ఎన్టీఆర్‌తో చర్చలు జరిపినట్లు తెలుస్తోంది.

శ్రీదేవి మరణం.. డైట్‌ వల్ల ఎన్నో ఇబ్బందులు ఎదుర్కొంది: బోనీ కపూర్‌

అలాగే మరోవైపు ‘వార్2’ పనులు కూడా శరవేగంగా జరుగుతున్నాయి. ఇటీవలే ఎన్టీఆర్‌తో అయాన్‌ ముఖర్జీ చర్చలు జరిపారు. దీని షూటింగ్‌ నవంబర్‌లో ప్రారంభమయ్యే అవకాశాలు కనిపిస్తున్నాయి. ఎన్టీఆర్‌ ప్రస్తుతం ‘దేవర’ షూటింగ్‌లో ఉన్నారు. ఇది ఈ ఏడాది చివర్లో ముగిస్తుంది.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.