Hanuman: లేటెస్ట్‌ హిట్ ‘హనుమాన్‌’పై సమంత రివ్యూ

ఇంటర్నెట్‌ డెస్క్‌: చిన్న సినిమాగా ప్రేక్షకుల ముందుకు వచ్చి సూపర్‌ హిట్‌ను సొంతం చేసుకుంది ‘హనుమాన్‌’ (Hanuman). సంక్రాంతి కానుకగా విడుదలైన ఈ చిత్రంపై సినీ, రాజకీయ ప్రముఖులు ప్రశంసలు కురిపిస్తున్నారు. తాజాగా స్టార్ హీరోయిన్ సమంత (Samantha) ఈ సినిమా రివ్యూను పోస్ట్‌ చేశారు.

‘‘మనల్ని చిన్న పిల్లల్ని చేసే సినిమాలు ఉత్తమమైనవి. ‘హనుమాన్‌’లో ప్రతి అంశం నన్ను ఆకట్టుకుంది. విజువల్స్, కామెడీ, సంగీతం.. ఇలా ఎన్నో అద్భుతమైన అంశాలతో వెండితెరపై హనుమంతుడు చేసిన మ్యాజిక్‌ ఈ చిత్రం. ఇంత గొప్ప మూవీని తీసినందుకు ప్రశాంత్‌ వర్మకు ధన్యవాదాలు. దీని సీక్వెల్‌ కోసం ఆసక్తిగా ఎదురుచూస్తున్నా. తేజ సజ్జా తన నటనతో అందరినీ ఆశ్చర్యపరిచాడు. అమాయకుడైన హనుమంతు పాత్ర ఈ సినిమాకు హార్ట్‌. వీఎఫ్ఎక్స్‌ ఎఫెక్ట్‌లు సినిమాకు మరింత అందాన్నిచ్చాయి’’ అంటూ చిత్ర బృందానికి అభినందనలు తెలిపారు.

‘ఈగల్‌’తో క్లాష్‌.. మేము డేట్‌ మార్చుకోలేం: సందీప్‌ కిషన్‌

తాజాగా నటుడు తేజ సజ్జాను కేంద్రమంత్రి కిషన్ రెడ్డి (Kishan Reddy) ఆయన నివాసంలో సత్కరించారు. ప్రతి టికెట్‌ నుంచి అయోధ్య రామమందిరానికి రూ.5 విరాళంగా ఇవ్వడం అభినందనీయమని ప్రశంసించారు. ప్రశాంత్‌ వర్మ దర్శకత్వంలో వచ్చిన ఈ చిత్రం జనవరి 12న విడుదలై భారీ వసూళ్లు సొంతం చేసుకుంటోంది. ఇప్పటివరకు రూ.100 కోట్లకు పైగా కలెక్షన్లు రాబట్టింది. సూపర్‌ హీరో కథకు ఇతిహాసంతో ముడిపెట్టి.. నేటివిటీ మిస్‌ కాకుండా చూపించడంతో ప్రేక్షకులు ఈ సినిమాకు క్యూ కడుతున్నారు.