Cinema News: ఆసక్తిగా ‘గూడుపుఠాణి’ ట్రైలర్‌

ఇంటర్నెట్‌ డెస్క్‌: నటుడు సప్తగిరి హీరోగా తెరకెక్కుతున్న చిత్రం ‘గూడుపుఠాణి’. నేహా సోలంకి కథానాయిక. కె.ఎం. కుమార్‌ దర్శకుడు. ఈ సినిమాను త్వరలోనే ప్రేక్షకుల ముందుకు తీసుకురానున్న నేపథ్యంలో చిత్ర బృందం ట్రైలర్‌ని విడుదల చేసింది. నాయకానాయికల ప్రేమ కథతో ప్రారంభమైన ఈ ట్రైలర్‌ ఆద్యంతం ఆసక్తిగా సాగింది. లవ్‌స్టోరీతోపాటు యాక్షన్‌ సన్నివేశాలు ఆకట్టుకునేలా ఉన్నాయి. మధ్యలో ఓ హత్యకేసుకు సంబంధించి పోలీసుల ఇన్వెస్టిగేషన్‌ సీన్లు ఉత్కంఠ పెంచుతున్నాయి. గాయకుడు, సంగీత దర్శకుడు రఘుకుంచె విలన్‌గా కనిపించి, మెప్పించారు. సప్తగిరి, రఘుకుంచెకి మధ్య వైరం ఎందుకు మొదలైంది? గూడుపుఠాణి ఎవరు చేశారు? తెలియాలంటే సినిమా చూడాల్సిందే. ఈ చిత్రాన్ని ఎస్‌.ఆర్‌.ఆర్‌. ప్రొడక్షన్స్‌ పతాకంపై శ్రీనివాసరెడ్డి, రమేశ్‌ యాదవ్‌ సంయుక్తంగా నిర్మిస్తున్నారు. ఈ సినిమాకి సంగీతం: ప్రదీప్‌ విద్య, ఛాయాగ్రహణం: పవన్‌ చెన్నా, కూర్పు: నాగేశ్వర రెడ్డి.