Naveen Polishetty: అనుష్క- నవీన్‌ పొలిశెట్టి కాంబో.. ఇకపై అధికారికం

ఇంటర్నెట్‌ డెస్క్‌: ప్రముఖ నటి అనుష్క శెట్టి, యువ నటుడు నవీన్‌ పొలిశెట్టి కలిసి నటిస్తున్నారంటూ టాలీవుడ్‌లో కొన్నాళ్ల క్రితమే వినిపించింది. ఈ విషయంపై చిత్ర నిర్మాణ సంస్థ యువీ క్రియేషన్స్‌ స్పష్టతనిచ్చింది. ఈ ఇద్దరితో తాము ఓ చిత్రాన్ని నిర్మిస్తున్నట్టు ఆదివారం అధికారికంగా ప్రకటించింది. నవీన్‌ పొలిశెట్టి పుట్టినరోజును పురస్కరించుకుని తన పాత్రకు సంబంధించిన ఓ పోస్టర్‌ను విడుదల చేసింది. ఇందులో ఆయన మైక్‌ పట్టుకుని స్టైలిష్‌గా కనిపించారు. ‘రారా కృష్ణయ్య’ ఫేం మహేశ్‌బాబు.పి. దర్శకత్వంలో ఈ క్రేజీ ప్రాజెక్ట్‌ తెరకెక్కుతుంది. టైటిల్‌, ఇతర తారాగణం, సాంకేతిక బృంద వివరాలు మరికొన్ని రోజుల్లో తెలియనున్నాయి.

► Read latest Cinema News and Telugu News