The Warrior: రామ్‌ ‘వారియర్‌’.. ‘విజిల్‌ సాంగ్‌’ అదిరింది!

ఇంటర్నెట్‌ డెస్క్‌: ఎనర్జిటిక్‌ స్టార్‌ రామ్ (Ram Pothineni), అందాల భామ కృతిశెట్టి (Krithi Shetty) జంటగా నటిస్తున్న చిత్రం ‘వారియర్‌’ (The Warrior). లింగుస్వామి దర్శకత్వంలో రూపొందుతున్న ఈ చిత్రానికి దేవీశ్రీ ప్రసాద్‌ సంగీతమందించారు. ఇప్పటికే ఈ సినిమాకు సంబంధించి చిత్ర బృందం టీజర్‌, రెండు పాటలను విడుదల చేయగా వాటికి ప్రేక్షకుల నుంచి మంచి స్పందన లభించింది. ఇప్పుడు ఈ చిత్రంలోని మూడో గీతం ‘విజిల్‌’ (Whistle)ను కోలీవుడ్‌ స్టార్‌ హీరో సూర్య సోషల్‌ మీడియా ద్వారా విడుదల చేశారు. ‘విజిలు.. విజిలు.. విజిలెయ్’ అంటూ సాగే ఈ పాటలోని రామ్‌, కృతిశెట్టి అభినయం, జానీ మాస్టర్‌ సమకూర్చిన నృత్యరీతులు ఆకట్టుకునేలా ఉన్నాయి. సాహితి సాహిత్యం అందించిన ఈ గీతాన్ని ఆంథోనీ దాసన్‌, శిరీషా జయశీలన్‌ ఆలపించారు. ఈ చిత్రం జులై 14న ప్రేక్షకుల ముందుకురానుంది.