చికాగోలో ‘నాటా’ ఆత్మీయ సమావేశం

చికాగో: అమెరికాలోని చికాగోలో ఉత్తర అమెరికా తెలుగు అసోసియేషన్‌ ఆత్మీయ సమావేశం ఉత్సాహంగా జరిగింది. జూన్‌ చివరి వారంలో డల్లాస్‌ నగరంలో జరగనున్న నాటా కన్వెన్షన్‌కు ఆహ్వానిస్తూ  ఆ సంఘం అధ్యక్షుడు కొర్సపాటి  శ్రీధర్‌రెడ్డి ఈ సమావేశాన్ని ప్రారంభించారు. నాటా బోర్డు సభ్యుడు లింగారెడ్డిగారి వెంకటరెడ్డి ఆధ్వర్యంలో జరిగిన ఈ కార్యక్రమంలో హన్మంత్‌ రెడ్డి, మెట్టుపల్లె జయదేవరెడ్డి, కేకే రెడ్డి, హేమా కానూరి, రాంభూపాల్‌ రెడ్డి, శేషు రెడ్డి, కల్యాణ్‌ ఆనందుల, వెస్ట్మాంట్‌ ఇండియన్‌ అసోసియేషన్‌ నేతలు సృజన్‌, శివ, వెంకట్‌, శివారెడ్డి, నరసింహరావు, ఆది, శేషు, శ్రీకాంత్‌ తదతరులు పాల్గొన్నారు. ఈ సందర్భంగా శ్రీధర్‌ రెడ్డి మాట్లాడుతూ.. ప్రపంచ నలుమూలల నుంచి తెలుగు రంగంలో విశిష్ఠ స్థానం సంపాదించుకున్నవారిని ఈ సభలకు ఆహ్వానించాలని, తెలుగు భాషా సంస్కృతికి పెద్ద పీట వేస్తున్న నాటా కార్యక్రమాలను జయప్రదం చేయాలని శ్రీధర్‌ రెడ్డి విజ్ఞప్తి చేశారు. ఆతిథ్యం ఇచ్చిన వెంకట్‌ రెడ్డికి కృతజ్ఞతలు తెలిపారు.