TANA: నారిస్‌టౌన్‌లో ‘తానా’ మహాసభల సమన్వయ కమిటీ సమావేశం

ఇంటర్నెట్‌డెస్క్‌: అమెరికాలోని పెన్సిల్వేనియా రాష్ట్రం నారిస్‌టౌన్‌లోప్రతిష్ఠాత్మక ‘తానా’ 23వ మహాసభల సమన్వయ కమిటీ సమావేశం నిర్వహించారు. ఈ ఏడాది జులై 7, 8, 9 తేదీల్లో పెన్సిల్వేనియా కన్వెన్షన్‌ సెంటర్‌లో జరగనున్న మహాసభలను జయప్రదం చేసేందుకు ప్రస్తుత  కార్యాచరణ, అతిథుల ఏర్పాట్లు, ఇతర అంశాలపై ఈ సమావేశంలో చర్చించారు.

డెలావేర్‌, న్యూజెర్సీ, పెన్సిల్వేనియా రాష్ట్రాల నుంచి మహాసభల కమిటీ సభ్యులు హాజరై తమ కమిటీల కార్యాచరణ, పురోగతి, నిర్వహణ ప్రణాళిక తదితర విషయాలను వివరించారు. ఈ సందర్భంగా తానా వ్యవస్థాపకులు, తొలి అధ్యక్షులు దివంగత కాకర్ల సుబ్బారావు ద్వితీయ వర్ధంతిని పురస్కరించుకుని కమిటీ సభ్యులు పుష్పగుచ్ఛాలతో ఘనంగా నివాళులర్పించారు.