Mumbai Indiansకు ప్రమాద ఘంటికలు
ఐపీఎల్లో ముంబయి ఇండియన్స్ ఏటా ఆరంభంలో కాస్త తడబడినా తర్వాత బలంగా పుంజుకుంటుంది. కీలక సమయంలో చెలరేగి ప్రత్యర్థులను చిత్తు చేస్తుంది. ప్రస్తుతం జరుగుతున్న 14వ సీజన్లోనూ...
ప్రతి మ్యాచ్కు తగ్గుతున్న స్కోరు బోర్డు
ఐపీఎల్లో ముంబయి ఇండియన్స్ ఏటా ఆరంభంలో కాస్త తడబడినా తర్వాత బలంగా పుంజుకుంటుంది. కీలక సమయంలో చెలరేగి ప్రత్యర్థులను చిత్తు చేస్తుంది. ప్రస్తుతం జరుగుతున్న 14వ సీజన్లోనూ రోహిత్ టీమ్ కాస్త తడబడుతున్న సంగతి తెలిసిందే. అయితే, ఇక్కడో విషయం గుర్తించాల్సిన అవసరముంది. అది ఆ జట్టు అభిమానులను కలవరపెట్టడమే కాకుండా ఒకరకంగా ప్రమాద ఘంటికలు కూడా మోగిస్తుంది. ముంబయి ఇప్పటివరకు ఆడిన ఐదు మ్యాచుల్లో తొలుత బ్యాటింగ్ చేసి 159, 152, 150, 137, 131 ఈ స్కోర్లు సాధించింది. ఇవి గమనిస్తే స్కోరుబోర్డు ప్రతి మ్యాచ్కూ కిందకు దిగివచ్చిందే తప్ప పైకి వెళ్లలేదు. మిడిల్ ఆర్డర్లో బలమైన హిట్టర్లున్నా డెత్ ఓవర్లలో వాళ్లు పరుగులు చేయలేకపోతున్నారు. దాంతో చివర్లో ఎక్కువ పరుగులు రావాల్సింది పోయి తక్కువ స్కోర్లకే పరిమితమవుతోంది. మున్ముందు కూడా ఇలాగే ఆడితే రోహిత్సేనకు కష్టాలు తప్పవు.
తొలి స్కోరే ఎక్కువైందా?
డిఫెండింగ్ ఛాంపియన్స్గా ఈ సీజన్లో అడుగుపెట్టిన ముంబయి ఇండియన్స్ తొలి పోరులో రాయల్ ఛాలెంజర్స్ బెంగళూరుతో పోటీపడింది. టాస్ ఓడి బ్యాటింగ్కు దిగి నిర్ణీత 20 ఓవర్లలో 159/9 మోస్తరు స్కోర్ సాధించింది. ఆ మ్యాచ్లో ఓపెనర్గా వచ్చిన క్రిస్లిన్(49; 35 బంతుల్లో 4x4, 3x6) ఒక్కడే రాణించాడు. మిగతా బ్యాట్స్మెన్ పెద్దగా పరుగులు చేయలేదు. మిడిల్ ఆర్డర్లో హార్దిక్ పాండ్య(13), కీరన్ పొలార్డ్(7), కృనాల్ పాండ్య(7) విఫలమయ్యారు. దాంతో ముంబయి చివరి ఐదు ఓవర్లలో ఆరు వికెట్లు కోల్పోయి 31 పరుగులే చేసింది. ఆపై బెంగళూరు 8 వికెట్లు కోల్పోయి లక్ష్యాన్ని ఛేదించి తొలి విజయాన్ని నమోదు చేసింది.
తడబడినా గెలిచింది..
రెండో పోరులో కోల్కతా నైట్ రైడర్స్తో తలపడిన రోహిత్ సేన మళ్లీ టాస్ ఓడి బ్యాటింగ్ చేసింది. కెప్టెన్ రోహిత్(43; 32 బంతుల్లో 3x4, 1x6), వన్డౌన్ బ్యాట్స్మన్ సూర్యకుమార్(56; 36 బంతుల్లో 7x4, 2x6) తప్ప మరెవరూ సరిగా ఆడలేదు. మిడిల్ ఆర్డర్ బ్యాట్స్మెన్ రెండోసారి చేతులెత్తేశారు. దాంతో చివరి ఐదు ఓవర్లలో ఆ జట్టు 7 వికెట్లు కోల్పోయి 38 పరుగులు చేసింది. చివరికి 152 పరుగులకు ఆలౌటైంది. ఛేదనలో కోల్కతాకు శుభారంభం దక్కినా చివర్లో బ్యాట్స్మెన్ పూర్తిగా విఫలమయ్యారు. ఈ క్రమంలోనే ముంబయి 10 పరుగుల తేడాతో విజయం సాధించి గట్టెక్కింది.
మరోసారి అదే పరిస్థితి..
సన్రైజర్స్ హైదరాబాద్తో తలపడిన మూడో మ్యాచ్లోనూ టాస్ గెలిచిన ముంబయి తొలుత బ్యాటింగ్ చేసి 150/5 పరుగులు చేసింది. ఓపెనర్లు డికాక్(40; 39 బంతుల్లో 5x4), రోహిత్(32; 25 బంతుల్లో 2x4, 2x6) ఫర్వాలేదనిపించారు. తర్వాతి బ్యాట్స్మెన్ రాణించకపోయినా పొలార్డ్(35*; 22 బంతుల్లో 1x4, 3x6) కాసిన్ని మెరుపులు మెరిపించాడు. దాంతో చివరి ఐదు ఓవర్లలో ముంబయి 49 పరుగులు సాధించి రెండు వికెట్లు మాత్రమే కోల్పోయింది. అనంతరం కట్టుదిట్టమైన బౌలింగ్తో హైదరాబాద్ను 137 పరుగులకే కుప్పకూల్చి 13 పరుగుల తేడాతో విజయం సాధించింది. దాంతో ఈ సీజన్లో రెండో విజయాన్ని తన ఖాతాలో వేసుకుంది. ఈ ఒక్క మ్యాచ్లోనే ముంబయి చివరి ఐదు ఓవర్లలో ఎక్కువ పరుగులు చేసింది.
మరింత దిగజారిన స్కోర్..
నాలుగో పోరులో ముంబయి ఇండియన్స్ దిల్లీ క్యాపిటల్స్తో పోటీపడింది. టాస్ గెలిచి మళ్లీ బ్యాటింగ్ ఎంచుకుంది. అయినా స్కోరుబోర్డులో ఏమాత్రం మార్పులేకపోగా మరింత దిగజారింది. కెప్టెన్ రోహిత్(44; 30 బంతుల్లో 3x3, 3x6) ఒక్కడే రాణించాడు. సూర్యకుమార్(24), ఇషాన్ కిషన్(26) నిలకడగా ఆడినా పెద్ద స్కోర్లు సాధించలేకపోయారు. చివర్లో జయంత్ యాదవ్(23) కాసిన్ని పరుగులు చేయడంతో ఆఖరి ఐదు ఓవర్లలో ఆ జట్టు 36 పరుగులు సాధించి మూడు వికెట్లు కోల్పోయింది. దాంతో జట్టు స్కోర్ 137/9గా నమోదైంది. స్వల్ప లక్ష్యాన్ని దిల్లీ క్యాపిటల్స్ 19.1 ఓవర్లలో నాలుగు వికెట్లు కోల్పోయి ఛేదించింది.
ఇంకా తక్కువే..
(Photo: Surya Kumar Yadav Twitter)
పంజాబ్ కింగ్స్తో ఆడిన ఐదో మ్యాచ్లో ముంబయి టాస్ ఓడి బ్యాటింగే చేయాల్సి వచ్చింది. రోహిత్(63; 52 బంతుల్లో 5x4, 2x6), సూర్యకుమార్ యాదవ్(33; 24 బంతుల్లో 3x4, 1x6) ఇద్దరే రాణించారు. చివర్లో పొలార్డ్(16; 12 బంతుల్లో 1x6) బ్యాటింగ్ చేసినా పెద్దగా ప్రభావం చూపలేకపోయాడు. దాంతో ముంబయి ఆఖరి ఐదు ఓవర్లలో 34 పరుగులు చేసి 4 వికెట్లు కోల్పోయింది. అలా 20 ఓవర్లలో 131/6 పరుగులు చేసి ఈ సీజన్లో అత్యల్ప స్కోరు నమోదు చేసింది. అనంతరం పంజాబ్ ఒక వికెట్ కోల్పోయి 17.4 ఓవర్లలో లక్ష్యాన్ని పూర్తి చేసింది. ఈ ఐదు మ్యాచ్ల్లో ముంబయి తొలుత బ్యాటింగ్ చేయడం, స్కోరు బోర్డు తగ్గిపోవడం, ఆఖరి ఓవర్లలో వికెట్లు కోల్పోతూ పరుగులు చేయకపోవడం జరిగాయి. ఇకపై మిడిల్ ఆర్డర్ బ్యాట్స్మెన్ రాణించకపోతే తర్వాత జట్టు పరిస్థితి ప్రమాదంలో పడే అవకాశం ఉంది.
-ఇంటర్నెట్డెస్క్ ప్రత్యేకం..
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అదేం కొట్టుడు.. పంత్ నువ్వేనా క్రికెట్కు ఏడాదిన్నర దూరమైంది?
ఐపీఎల్లో రిషభ్ పంత్ ప్రత్యేక ఆకర్షణగా మారాడు. దూకుడైన ఆటతీరుతో అభిమానులను అలరిస్తున్నాడు. -
హైదరాబాద్కు ‘ఉప్పల్’ అడ్డా.. బెంగళూరుపై ఈసారి స్కోరెంత?
భాగ్యనగర వాసులకు మళ్లీ ఐపీఎల్ సందడి వచ్చేసింది. గురువారం బెంగళూరుతో హైదరాబాద్ (Hyderabad Vs Bengaluru) తలపడనుంది. -
చెపాక్లో చూసుకుందాం.. లఖ్నవూపై చెన్నై ప్రతీకారం తీరేనా?
మళ్లీ మ్యాచ్ చెపాక్కు వచ్చేసింది. లఖ్నవూతో తలపడేందుకు చెన్నై సిద్ధమవుతోంది. ఇరు జట్ల మధ్య జరిగిన గత మ్యాచ్లో కేఎల్ రాహుల్ నాయకత్వంలోని లఖ్నవూ విజయం సాధించింది. -
వరుస ఓటములతో డీలా.. బెంగళూరుకు ఇంకా ప్లేఆఫ్స్ అవకాశాలు ఉన్నాయా..?
ఈ సీజన్లో బెంగళూరు పేలవమైన ప్రదర్శనతో తీవ్రంగా నిరాశపరుస్తోంది. ఆడిన ఎనిమిదింట్లో ఏడు ఓడి.. ప్లేఆఫ్స్ అవకాశాలకు దాదాపు దూరమైంది . -
200+ స్కోరు... చాలడం లేదు బాసూ!
ఐపీఎల్ 17వ సీజన్లో మ్యాచ్లు చివరి బంతి వరకూ రసవత్తరంగా సాగుతున్నాయి. భారీ స్కోరు చేసినా గెలుస్తామనే నమ్మకం చివరి వరకూ జట్లకు రావడం లేదు. -
సగం IPL పూర్తి.. బాదుడు నుంచి ఫ్లైయింగ్ కిస్ వరకు... ఆసక్తికర విశేషాలివే!
సుదీర్ఘమైన ఐపీఎల్ టోర్నీలో సగం మ్యాచ్లు ముగిశాయి. అనూహ్యంగా కొన్ని జట్లు చెలరేగగా.. మరికొన్ని డీలా పడిపోయి పాయింట్ల పట్టికలో అడుగుకు చేరాయి. -
అంపైర్గా పని చేసి.. ఐపీఎల్లో అదరగొట్టి... నయా సంచలనం అశుతోష్ కథ ఇది!
ధనాధన్ షాట్లతో ముంబయి మీద విరుచుకుపడి ఓటమి భయం చూపించిన అశుతోష్ శర్మ గురించి ఆసక్తికర విషయాలు... -
వీరుడొచ్చాడు.. సన్రైజర్స్కు దొరికిన మరో వార్నర్
సన్రైజర్స్ హైదరాబాద్ అంటే ఒకప్పుడు డేవిడ్ వార్నర్ (David Warner) మెరుపులే గుర్తుకొచ్చేవి. వార్నర్ వెళ్లిపోయిన తర్వాత ఆ లోటు కనిపించింది. ఓపెనింగ్లో ఓ ఖాళీ. రెండు సీజన్ల పాటు ఆ వెలితి అలాగే ఉంది. కానీ ఇప్పుడొక వీరుడొచ్చాడు. అతనే.. ట్రావిస్ హెడ్ (Travis Head). -
పరుగులివ్వడు.. వికెట్లు వదలడు... బెంబేలెత్తిస్తున్న బుమ్రా
ఐపీఎల్లో అదరగొడుతున్న బౌలర్ల జాబితా రాస్తే తొలి స్థానంలో కనిపించే పేరు జస్ప్రీత్ బుమ్రా. అతని బౌలింగ్లో ఆడటానికి బ్యాటర్లు బాగా ఇబ్బందిపడుతున్నారు. -
వీళ్లు ఆడితే మామూలుగా ఉండదు!
ఐపీఎల్.. ఈ టోర్నీ పేరు చెప్పగానే వెస్టిండీస్ ఆటగాళ్లే గుర్తొస్తారు. గత 16 ఏళ్లుగా కరీబియన్ ఆటగాళ్ల విన్యాసాలే అభిమానుల మనసుల్లో మెదులుతాయి. ఎందుకంటే తమ ఆటతోనే కాదు తమ హవభావాలతో మైదానంలో, మైదానం బయట ఈ విండీస్ వీరుల సందడి అంతాఇంతా కాదు. -
‘ఒక్క ఛాన్స్.. ఒకే ఒక్క ఛాన్స్’.. సత్తా చాటేందుకు విదేశీ సంచలనాల తహతహ
ఐపీఎల్లో తమ సత్తా నిరూపించుకోవడానికి ఆటగాళ్లు ఎదురు చూస్తుంటారు. ఫామ్ను అందుకోవడంతోపాటు ఫ్రాంచైజీ దృష్టిలో పడాలనేది కొందరి ఆశ. -
నితీశ్ రెడ్డి.. భారత్ క్రికెట్కు మరో పేస్ ఆల్రౌండర్ లభించినట్లేనా?
హైదరాబాద్ తరఫున మరో ఆణిముత్యం వంటి ఆటగాడు వెలుగులోకి వచ్చాడు. అదీనూ తెలుగు కుర్రాడు కావడం ఇక్కడ విశేషం. జట్టును గెలిపించే ప్రదర్శన చేయడం అభిమానులను ఆకట్టుకుంది. -
ఫామ్తో తంటాలా.. ఆర్సీబీ ఉందిగా!
ఈ ఐపీఎల్ సీజన్లో బెంగళూరుపై ఫామ్లో లేని ఆటగాళ్లు కూడా చెలరేగుతున్నారు. అంతేకాదు వారే మ్యాచ్ విన్నర్లుగా అవతరిస్తున్నారు. -
అప్పుడు వేస్ట్.. ఇప్పుడు బెస్ట్... ‘విఫల’ ముద్ర తొలగించుకున్న బ్యాటర్లు
ఐపీఎల్లో ఇప్పటివరకు సరిగ్గా ఆడని కొంతమంది ప్లేయర్లు ఈ సీజన్ ఐపీఎల్లో అదరగొట్టేస్తున్నారు. వాళ్లెవరు, వాళ్ల సంగతేంటో చూద్దాం! -
యశ్ ఠాకూర్.. ధోనీలా మారదామని వచ్చి.. పేసర్గా అదరగొట్టి!
లఖ్నవూ పేస్ బౌలర్లు పెను సంచలనంగా మారారు. ఇదివరకు మయాంక్ యాదవ్ తన ఫాస్ట్తో బెంబేలెత్తించగా.. తాజాగా యశ్ ఠాకూర్ అదరగొట్టాడు. -
వద్దనుకున్నవాడే వరమయ్యాడు.. ఎవరీ శశాంక్ సింగ్..?
తన అద్భుత బ్యాటింగ్తో గుజరాత్పై పంజాబ్కు విజయం అందించిన శశాంక్ సింగ్పై ఇప్పుడు అందరూ ప్రశంసలు కురిపిస్తున్నారు. -
ఓరి‘నరైనో’.. బ్యాటుతో రెచ్చిపోతున్న విండీస్ స్పిన్నర్
ప్రత్యర్థి సొంత మైదానాల్లో దూకుడుగా ఆడుతూ పరుగులు రాబట్టడం అతడి ప్రత్యేకత. గత సీజన్లో పెద్దగా ప్రభావం చూపని ఈ కోల్కతా ఆటగాడు మళ్లీ బ్యాట్తో అదరగొట్టేస్తున్నాడు. -
వింటేజ్ ధోనీ... కీపింగ్ మెరుపులు ఓవైపు... భారీ సిక్సర్లు మరోవైపు!
తొలి రెండు మ్యాచుల్లో బ్యాటింగ్కి రాని ధోనీ... మూడో మ్యాచులో బరిలోకి దిగి భారీ సిక్సర్లు బాదాడు. దీంతో ఇప్పుడు అంతా అతని మేనియానే కనిపిస్తోంది. -
పంత్.. ఇదే కావాలయ్యా...రిషబ్ ఇక రెచ్చిపో!
రిషభ్ పంత్ జట్టులో ఉంటే అదో ధైర్యం. మనది కాదనుకున్న మ్యాచ్ను అమాంతం మనవైపు తిప్పేస్తుంటాడు. యాక్సిడెంట్ తర్వాత రీఎంట్రీలో చెన్నై మీద అదరగొట్టాడు. -
రేటెక్కువ.. ఆట తక్కువ... ఐపీఎల్లో ఎప్పుడూ ఇదే కథ!
భారీ ధరపెట్టి జట్టులోకి తీసుకున్న స్టార్ ప్లేయర్లు ఐపీఎల్లో నిరాశపరుస్తుంటారు. ఈ ఏడాది కూడా అదే పరిస్థితి కనిపిస్తోంది. -
కొత్త పేస్ స్టార్.. గాయాలు ఇబ్బంది పెట్టినా బెదరని మయాంక్ యాదవ్
ఐపీఎల్ ప్లాట్ఫామ్ ద్వారా మరో ఆణిముత్యం వెలుగులోకి వచ్చింది. కొత్త స్టార్ పేసర్పై భారత సెలక్టర్లు దృష్టి పెట్టే అవకాశం లేకపోలేదు..
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా