Ashes Series: ఫాస్ట్‌ బౌలర్.. స్పిన్నర్‌గా అవతారమెత్తి..

అడిలైడ్‌: ఆస్ట్రేలియాతో జరుగుతున్న డే/నైట్‌ (పింక్‌బాల్‌) టెస్టులో ఇంగ్లాండ్‌ ఆల్‌రౌండర్‌ ఓలీ రాబిన్‌సన్‌ అందర్నీ ఆశ్చర్యానికి గురిచేశాడు. అతడు సహజంగా ఫాస్ట్‌బౌలర్‌ కాగా, ఆసీస్‌ రెండో ఇన్నింగ్స్‌లో ఆదివారం ఒక ఓవర్‌ స్పిన్‌ బౌలింగ్‌ చేసి షాకిచ్చాడు. అందుకు సంబంధించిన వీడియోను అభిమానులు సామాజిక మాధ్యమాల్లో పంచుకొని సరదాగా నవ్వుకుంటున్నారు. నాలుగో రోజు ఆటలో ఆస్ట్రేలియా 79/4 స్కోర్‌తో కొనసాగుతున్న వేళ ఇంగ్లాండ్‌ కెప్టెన్‌ జోరూట్‌ బంతిని రాబిన్‌సన్‌కు అందించాడు. అయితే, అతడు ఫాస్ట్‌ బౌలింగ్‌ చేయకుండా ఆఫ్‌స్పిన్‌ బంతులు వేశాడు. దీంతో ఒక్కసారిగా జట్టులోని ఆటగాళ్లతో పాటు ప్రేక్షకులు సైతం ఆశ్చర్యానికి గురయ్యారు. చివరికి అతడు రెండు పరుగులే ఇచ్చి ఆ ఓవర్‌ను ముగించాడు. మీరూ ఆ వీడియోను చూసి ఎంజాయ్‌ చేయండి.