Yadadri: మహా సంప్రోక్షణకు సిద్ధమవుతున్న యాదాద్రి
పునర్నిర్మితమైన యాదాద్రి శ్రీలక్ష్మీనరసింహస్వామి ప్రధానాలయ మహాకుంభ సంప్రోక్షణకు రంగం సిద్ధమవుతోంది. ఈ నెల 21 నుంచి 28 వరకు వేడుకలు జరిపేందుకు అధికార యంత్రాగం సన్నాహాలు ప్రారంభించింది. ఇందులో భాగంగా కొండపైన బాలాలయంలో పంచకుండాత్మక మహాయాగం చేపట్టనున్నారు
21న పంచకుండాత్మక యాగంతో ప్రారంభం
యాదగిరిగుట్ట, న్యూస్టుడే: పునర్నిర్మితమైన యాదాద్రి శ్రీలక్ష్మీనరసింహస్వామి ప్రధానాలయ మహాకుంభ సంప్రోక్షణకు రంగం సిద్ధమవుతోంది. ఈ నెల 21 నుంచి 28 వరకు వేడుకలు జరిపేందుకు అధికార యంత్రాగం సన్నాహాలు ప్రారంభించింది. ఇందులో భాగంగా కొండపైన బాలాలయంలో పంచకుండాత్మక మహాయాగం చేపట్టనున్నారు. యాదాద్రి ప్రధానాలయం, విమానం, ప్రతిష్ఠామూర్తులు, కలశాలు, శ్రీ సుదర్శన చక్రం సహా ఉపాలయాల సంప్రోక్షణకు తొలుత విశ్వశాంతి, జగత్కల్యాణార్థమై యాగం నిర్వహించడం సంప్రదాయం. ఆ మేరకు వచ్చే సోమవారం (ఈ నెల 21న) పాంచరాత్ర ఆగమ విధానంలో క్రతువు మొదలవుతుంది. ఇందుకు పండితులు, రుత్వికులు 150 మంది అవసరమని, అనుభవమున్న వారిని రెండు రోజుల్లో ఎంపిక చేయనున్నట్లు యజ్ఞ ఆచార్యులు కాండూరి వెంకటాచార్య చెప్పారు. మంగళవారం అగ్ని మధనంతో యాగం మొదలవుతుందని ఆలయ ప్రధాన పూజారి నల్లంథిగల్ లక్ష్మీనరసింహాచార్య చెప్పారు. యాగశాలలో తూర్పున చతురస్రాకార కుండం, దక్షిణాన ధనుస్సు ఆకారం, పడమర దిశలో వృత్తాకారం, ఉత్తరాన త్రికోణాకారం, ఈశాన్యంలో శ్రీమన్నారాయణుడితో పద్మ కుండం ఏర్పాటు చేస్తున్నారు.
రాజగోపురాలపై స్వర్ణకలశాలు
గోపురాలపై స్వర్ణకలశాల స్థాపన కొనసాగుతోంది. పంచతల రాజగోపురాలపై 9, మహారాజగోపురంపై 11 స్వర్ణ కలశాలు, అష్టభుజి మండప ప్రాకారాలపై గల 28 విమానాలపై రాగి కలశాలు స్థాపించారు. గర్భాలయ దివ్యవిమానంపై శ్రీ సుదర్శన చక్రం స్థాపనకు సన్నాహాలు జరుగుతున్నాయి.
27న సీఎం కేసీఆర్ రాక?
మహాకుంభ సంప్రోక్షణలో పాల్గొనేందుకు ముఖ్యమంత్రి కేసీఆర్ ఒక రోజు ముందే ఈ నెల 27న రాత్రి యాదాద్రికి విచ్చేయనున్నట్లు సమాచారం. 28న మహాసంప్రోక్షణలో పాల్గొని, ప్రధానాలయంలోని స్వయంభువులను దర్శించుకోనున్నట్లు తెలుస్తోంది.
సన్నాహాల్లో అధికార యంత్రాంగం
మహాకుంభ సంప్రోక్షణ ఉత్సవాల నిర్వహణపై కలెక్టర్ పమేలా సత్పతి గురువారం కలెక్టరేట్లో డీసీపీ నారాయణరెడ్డి, ఆలయ ఈవో గీత, ఆర్డీవో భూపాల్రెడ్డి తదితరులతో సమీక్షించారు.
ఏ రోజు ఏ క్రతువు?
* 21వ తేదీ ఉదయం (9 గంటల నుంచి): స్వస్తివచనంలో విష్వక్సేనారాధన, పుణ్యాహవచనం, రక్షాబంధనం, పంచగవ్య ప్రాశనం, అఖండ జ్యోతి ప్రజ్వలన, వాస్తు పూజ, హోమం, పర్వగ్నకరణం.
సాయంత్రం(6 గంటల నుంచి): మృత్స్యంగ్రహణం, అంకురార్పణ, యాగశాల ప్రవేశం, కుంభస్థాపన.
* 22 ఉదయం: శాంతిపాఠం, యాగశాలలో చతుస్థానాచార్చన, ద్వారతోరణ ధ్వజకుంభారాధనలు, అగ్నిమధనం, అగ్నిప్రతిష్ఠ, యజ్ఞ ప్రారంభం, విశేష హవనం, మూలమంత్ర హవనం, నిత్య లఘుపూర్ణాహుతి.
సాయంత్రం: హోమం, శాంతి హోమం, నవకలశ స్నపనం, సామూహిక విష్ణుసహస్రనామ పారాయణం.
* 23 ఉదయం: మూలమంత్ర హవనం, షోడశ కలశాభిషేకం
సాయంత్రం: పంచగవ్యాధివాసం
* 24 ఉదయం: పంచవింశతి కలశ స్నపనం
సాయంత్రం: జలాధివాసం
* 25 ఉదయం: కలశాభిషేకం
సాయంత్రం: పంచామృతాధివాసం
* 26 ఉదయం: ఏకశతి కలశాభిషేకం
సాయంత్రం: ధాన్యాధివాసం
* 27 ఉదయం: అష్టోత్తర శతకలశాభిషేకం
సాయంత్రం: షోడశ కళాన్యాసహోమం, పంచశయ్యాధివాసం
* 28న: మహాకుంభ సంప్రోక్షణ
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఏపీ ప్రభుత్వానిది అధికార దుర్వినియోగమే
ఐపీఎస్ అధికారి ఏబీ వెంకటేశ్వరరావును ఏపీ ప్రభుత్వం రెండోసారి సస్పెండ్ చేయడం అధికార దుర్వినియోగం తప్ప, మరొకటి కాదని హైదరాబాద్లోని కేంద్ర పరిపాలనా ట్రైబ్యునల్ (క్యాట్) వ్యాఖ్యానించింది. -
అనుమానం వచ్చిందంటే..ఖాతా రద్దే
అడ్డగోలుగా చెలరేగిపోతున్న సైబర్ నేరగాళ్లకు ముకుతాడు వేయడంపై భారతీయ రిజర్వు బ్యాంకు (ఆర్బీఐ) దృష్టి పెట్టింది. -
ఎన్నికల వేళ.. ఆర్టీసీ బస్సులన్నీ ఫుల్!
ఎన్నికల పోలింగ్ తేదీ సమీపిస్తున్న నేపథ్యంలో.. ప్రయాణికుల రద్దీ పెరగడంతో హైదరాబాద్ నుంచి తెలుగు రాష్ట్రాల్లోని వివిధ ప్రాంతాలకు టీఎస్ఆర్టీసీ పెద్దసంఖ్యలో ప్రత్యేక బస్సులు నడుపుతోంది. -
మేడిగడ్డ బ్యారేజీ దెబ్బతినడానికి కారణమెవరు?.. వివరాలు కోరిన ఉత్తరాఖండ్ ప్రభుత్వం
మేడిగడ్డ బ్యారేజీ వైఫల్యానికి బాధ్యులు.. నిర్మాణ సంస్థ ‘ఎల్అండ్టీ’నా లేక కాళేశ్వరం ప్రాజెక్టు ఇంజినీర్లా? అనేది నిర్ధారించాల్సిన పరిస్థితి నీటిపారుదల శాఖకు వచ్చింది. -
ఆహా ఏం తెలివి... ఏం తెలివి?
వివిధ సంక్షేమ పథకాలకు సంబంధించి దాదాపు రూ. 14,165 కోట్లను సరిగ్గా పోలింగ్కు రెండు రోజుల ముందు లబ్ధిదారుల ఖాతాల్లో జమచేసి తద్వారా వైకాపాకు అనుకూలంగా ఓటర్లను ప్రభావితం చేయాలనేదే వైకాపా ప్రభుత్వ ఎత్తుగడను నిలువరిస్తూ ఈసీ ఉత్తర్వులు ఇచ్చింది. -
పద్మవిభూషణ్ అందుకున్న చిరంజీవి, వైజయంతిమాల
ప్రముఖ సినీనటుడు కొణిదెల చిరంజీవి, సీనియర్ నటి, ప్రఖ్యాత భరతనాట్య కళాకారిణి వైజయంతిమాల బాలిలకు రాష్ట్రపతి ద్రౌపదీముర్ము పద్మవిభూషణ్ అవార్డులు ప్రదానం చేశారు. -
అమెరికాలో హనుమకొండ విద్యార్థి అదృశ్యం
అమెరికాలో చదువుకుంటున్న తెలంగాణకు చెందిన ఓ విద్యార్థి కొద్ది రోజుల క్రితం షికాగోలో అదృశ్యమయ్యాడు. -
ఎర్రని ఎండ.. కానరాని నీడ
‘శూన్య నీడ దినం’ సందర్భంగా హైదరాబాద్లో గురువారం మధ్యాహ్నం 12:12 గంటలకు నడినెత్తిన సూర్యుడున్నా కాసేపు ‘నీడ’ మాయమైంది. దీన్ని వీక్షించేందుకు బీఎం బిర్లా సైన్స్ సెంటర్లోని నక్షత్రశాల (ప్లానెటోరియం) ప్రాంగణంలో ప్రత్యేక ఏర్పాట్లు చేశారు. -
వాతావరణ సూచనలు ఐదు దిక్కుల్లో..
ఇన్నాళ్లూ ఉత్తర తెలంగాణకు వర్ష సూచన అంటే.. ఆదిలాబాద్ నుంచి కరీంనగర్ వరకు వానలు పడొచ్చని భావించేవారు. -
మొక్కజొన్న దేశ ప్రధాన పంటగా మారాలి: ఐకార్ డీడీజీ శర్మ
వరి, పత్తిలతో సమానంగా మొక్కజొన్న దేశ ప్రధాన పంటగా మారాలని, అధిక ఉత్పత్తినిచ్చే నూతన వంగడాలను శాస్త్రవేత్తలు సృష్టించాలని భారతీయ వ్యవసాయ పరిశోధన మండలి (ఐకార్) డిప్యూటీ డైరెక్టర్ జనరల్ టీఆర్ శర్మ పిలుపునిచ్చారు. -
ఓటేస్తే కన్సల్టేషన్, వైద్య పరీక్షల్లో రాయితీ
ఓటు హక్కుపై ప్రజల్లో చైతన్యం తీసుకొచ్చేందుకు హైదరాబాద్లోని కార్పొరేట్ ఆసుపత్రులు ముందుకొచ్చాయి. -
పెండింగ్ బిల్లులను మంజూరు చేయాలి: యూఎస్పీసీ
విద్యాసంవత్సరం ప్రారంభమయ్యే నాటికే పాఠశాలల్లో విద్యావాలంటీర్లను, పారిశుద్ధ్య కార్మికులను నియమించాలని, ఉచిత విద్యుత్తు అమలు చేయాలని తెలంగాణ ఉపాధ్యాయ సంఘాల పోరాట కమిటీ(యూఎస్పీసీ) స్టీరింగ్ కమిటీ రాష్ట్ర ప్రభుత్వాన్ని కోరింది. -
పలు జిల్లాల్లో భారీ వర్షాలు
రాష్ట్రంలోని పలు జిల్లాల్లో గురువారం భారీ నుంచి ఓ మోస్తరు వర్షాలు కురిశాయి. అత్యధికంగా భద్రాద్రి కొత్తగూడెం జిల్లా బూర్గంపాడులో 6.2 సెంటీమీటర్ల వర్షపాతం నమోదైంది. -
ఆసరా లేని ఆడపిల్లలకు ఆశ్రయం.. ఉచిత విద్య
అనాథ పిల్లలకు అమ్మలా, ఒంటరి తల్లి, లేదా తండ్రి ఉన్న ఆడపిల్లలకు అండగా నిలబడుతోంది హైదరాబాద్ హయత్నగర్లోని ‘సెంటర్ ఫర్ సోషల్ సర్వీస్ స్వచ్ఛంద సంస్థ’. -
‘బ్యారేజీ’ పేరుతో.. ‘డ్యాం’ నిర్మాణం జరుగుతున్నట్లు ముందే తెలుసా?
కాళేశ్వరం ఎత్తిపోతల పథకంలోని మేడిగడ్డ బ్యారేజీ నిర్మాణానికి సంబంధించి నీటిపారుదల శాఖ ఇంజినీర్ ఇన్ చీఫ్లను జ్యుడిషియల్ కమిషన్ ఛైర్మన్ జస్టిస్ పీసీ ఘోష్ ప్రశ్నించినట్లు తెలిసింది. -
ఉత్తమ పర్యావరణ వీడియోలకు ఆహ్వానం: పీసీబీ
పర్యావరణ పరిరక్షణకు సంబంధించిన వీడియోలను పంపాలని కాలుష్య నియంత్రణ మండలి (పీసీబీ) కోరింది. -
పాడి రైతులకు బిల్లులు చెల్లించాలి
రాష్ట్రంలోని ప్రభుత్వ పాడి పరిశ్రమాభివృద్ధి సమాఖ్య (విజయడెయిరీ)కి పాలను విక్రయిస్తున్న రైతులు గత 40 రోజులుగా బిల్లులు అందక ఇబ్బందులు పడుతున్నారని, వెంటనే వారి సమస్యలను పరిష్కరించాలని పలు పాడి ఉత్పత్తిదారుల సంఘాల నేతలు సమాఖ్య ఎండీ చిట్టెం లక్ష్మిని కోరారు. -
ఇంజినీరింగ్ స్ట్రీమ్ పరీక్షలు ప్రారంభం
రాష్ట్రంలోని ఇంజినీరింగ్, వ్యవసాయ, మెడికల్ కళాశాలల్లో ప్రవేశానికి జేఎన్టీయూహెచ్ ఆధ్వర్యంలో జరుగుతున్న టీఎస్ఈఏపీసెట్-2024లో గురువారం మూడో రోజు ఇంజినీరింగ్ స్ట్రీమ్ పరీక్షలు ప్రారంభమయ్యాయి. -
అమిత్షా నకిలీ వీడియో కేసు.. తెలంగాణకే పరిమితం కాదు
కేంద్ర హోంమంత్రి అమిత్షా నకిలీ వీడియోకు సంబంధించిన కేసు కేవలం తెలంగాణకే పరిమితం కాదని, దేశం నలుమూలలా వ్యాపించిందని దిల్లీ పోలీసులు గురువారం తెలంగాణ హైకోర్టుకు నివేదించారు. -
ఆ పురుగుల మందుపై నిషేధం
టీస్పేన్స్ కంపెనీ ప్రైవేటు లిమిటెడ్కు చెందిన ట్రైకో డెర్మా విరిడి 1.50% లిక్విడ్ ఫార్ములేషన్ క్రిమిసంహారక మందును నిషేధించినట్లు వ్యవసాయ సంచాలకుడు బి.గోపి గురువారం తెలిపారు. -
లక్ష్మీ పంపుహౌస్ విద్యుత్తు బకాయిలు రూ.477.34 కోట్లు
కాళేశ్వరం ప్రాజెక్టులోని లక్ష్మీ పంపుహౌస్ విద్యుత్తు బకాయి పెరుగుతూ వస్తోంది. 2019లో నాటి సీఎం కేసీఆర్ లక్ష్మీ పంపుహౌస్ను ప్రారంభించగా 2022 జులై వరకు గోదావరి జలాలను ఎత్తిపోశారు.